[p. 41] REFEREIJN XVIII Tis een erm bruiloft daer broot ghebreect  EEn vrouken van keijhem ende ioncker dwaes  souden te samen in huwelyck vergaren  Daer en was tetene broot botter noch caes  daer versaemde al volxken ghelyc by paren 5  Als daer die bruyt ende bruygom waren  Twasser qualick gestelt om vruecht te maken  Elc hoopten mitten tanden in die spijse te varen  Op die taeffel lach alte schoone laken  Daer dachter veel dit syn vreemde saken 10  wij en sien hier brenghen eten noch drinken  Tginc teghen den auont elc verdroot te waken  duer tlanck beyen begonster veel te wincken  Wy moghen die bellen en di keyen doen clincken  sprac daer een loopt ghi mit mi nu vertrect 15  tis een erm bruloft daer broot gebrect       +  Die bruijt die sprack mit goeder herten  verlanckt niet wij sellen vrolick wesen  Wij brassen noch vruechdelic sijt loss van smerten  men begonster cruden en wortelen te lesen  19   20  Men maecter pottagi of, vrienden ghepresen  diese pruefde die hadder ter stont ghenoech  Die hert inden buyck was die creech ghenesen  om dees lecker pottagie daer elc seer loijch  Dit volxken creech daer haer gheuoech 25  sonder broot twas quaet mitten tanden te malen  Elc dochte hoe coem ic in desen ploich  van de gespen en de oren was daer tverhalen  Daer wij dus comen moet onse buijc falen  niet te min ons dermen worden wel gherect 30  Tis een erm bruloft daer broot ghebrect  30	+  Fol. 31v (xxv)  19  de r van cruden boven het woord bijgeschreven.  30  de r van broot boven het woord bijgeschreven.
[p. 42]    Die brudegom seyde laet ons dansen en reyen  daer was cleyn vruecht daer en quam geen broot  Die sulcke had gern syn tanden doen weijen  sy leden van hongher seer grooten noot 35  Noch seij die brugom dat alte wel sloot  men bereyt wat leckers wilt vrolick syn  Die sulcke seyde tis lueghene bi gans doot  dits wel een bruloft mit allen fyn  Al en hebben wy broot bier nocht wijn 40  goet gruytenbier isser wel te poijen  Soe lecker alst opti mase is of opten rijn  die knechten liepen het gincker al scoijen    +  Nie man en sach sulc volxken van roijen  dit seijde een scheel vrouken seer weeck gebect 45  tis een erm bruloft daer broot ghebrect                    Prince     Pouer bestierde die kueken al geheel  des bruloft was sonder broot gheent  Al haddense slechtelick van anders haer deel  waar broot ghebreckt daer is thof gescent 50  Nemet in dancke prince excellent  laet tcoren malen eermen bruloft begint  Want daer pouer ter kuekene wort gesent  hy bestiert datmer luttel of niet en vint  Dees bruloft lieden vruecht die was gedint 55  luttel was die mage gequelt vander spysen  Elc seijde daer/wat ou wy sy cleyn ghemint  een bruloft sonder broot is cleyn van prijse  Men derffer niet seer sorghen om dexcyse  wy en hebben dumen noch vingher ghelect 60  Tis een erm bruloft daer broot gebrect	+  Fol. 32 (xxi)