REFEREYN XXIII Wat soudmense sceyde die tsamen horen  EEn vrouken cloec die fier van moye, is  en recht als venus van minlike bloye, is  wt ionsten heeftse my vriendelic geuraecht  Waerom tgoet geselscap dus in vernoye is 5  hoe nou them wacht, oft op syn hoie is  hoe vrolic tvolc is elc nochtans claecht    +  Ick vrouken het woert v ghewaecht  lief bi lief synde het meent wesen vrij  Mer alsdan mit nijder woert beclaecht 10  genuchte wort druck tsy waer dat sy  Elc edel herte spreect den nyder tfy  om datse lieue vrienden van een verstoren  Ende om datse doen sceyen daer een gern is bij  doen seijde dat vrouken ende sij loich op mij 15  wat soudmense scheyen die tsamen horen	+  Fol. 36v (xxvv)
[p. 50]    Wat soudmense sceyen die niet en kijuen  waerom soudmense sceyen die hem doen scriuen  in venus geselscap om drucks vertieren  Soudmen sulc volc van een verdriuen 20  waer souden dan dees venus kinder bliuen  die dagelicks alle vruecht versieren  Dees ionghe meijskens die niet en verfieren  soudense niet by tionc geselscap vergaren  Elc by syn mysken nae doude maniere 25  jonc volxken bij volc van ionghe jaren  mer oude toeuenersen ende oude maren  coppelersen clappeyen verrompelde slooren  27    Die sellen by doude vandoysen varen  elc sel hem by syns ghelycke paren 30  wat soudmense sceyen die tsamen horen     Ten is gheen haenken ten heeft een hinneken  31      +  een sotken is gerne bij tsottinneken  elc soeket gelijck van synen cleen  Een minnaer soect altyt syn minneken 35  elc mach wel hebben syn vriendinnike  die minrebroers gaen doch twe en twen  Roeckeloos soict volc van quade beleen  erm rostusers soiken altoos quay gulen  Daer na die herder is daer nae ist tvee 40  een slobbercock soect alltoos vrou vulen  Schieue decksels op potten mit schieue mulen  ezels soeken beesten mit langhen ooren  En lobbekens geselscap die niet en hulen  das mach elc wel onder syn partye sculen 45  wat soudmense sceyen die tsamen horen                    Prinche     Datter twe scorfde scapen quamen  op een iaermerct sy souden versamen	27  de tweede o van slooren verbeterd uit i  31  haenken verb. uit hanteken  +  Fol. 37 (xxvi)
[p. 51]    want ghelijc soect sijns ghelijc altenen  Die scheele die soeken die blinden bi namen 50  ende die cruepele altyt hoe syt ramen  die soecke mancken of lien mit scheue benen  Nae dat die weert is soe sal god gasten verlenen  erm bruerkens soeken erm susterluytkens  Vul claddekens cryghen ooc nae haer menen 55  dorre vogelkens of lichte scuijtkens  Jonkerkens soeken vrouwen mit tuytkens  diese mit woerde connen verdooren    +  Pouer fielkens beroode druytkens  scicken hem tsamen en seggen als guytkens 60  wat soudmense scheyen die tsamen horen	+  Fol. 37v (xxviv)