[p. 59] REFEREYN XXIX Mer lachen hoe saen ist al vergheten  Ach meer dan ach vindic die sulke  als ic ghemeent hadde ey lacen neen ick  Alst blyct het zeylt menich in venus hulke  die hem luttel sceeps verstaende is meen ick 5  Van dien bin ic een ey laes dies ween ick    +  noyt dinck mynder herten soe seer en deerde  vol drucks ghelyc den steene versteen ick  dat ic te minnen ye begeerde  Myn liefste myn wertste noyt soe werde 10  verureemt nochtans nae haer vermeten  Tscheen sy en wist geen lieuer op derden  mer ey lacen hoe saen ist al vergheten     Al vloghe die kercke dat op dat neder  al saghe ic in die zee molensteenen swemmen 15  al liep ic die husen wech ende weder  al saghe ic oude woluen timmen  Al saghe ic coijen op bomen climmen  al saghe ic twe swynen vollen ende weuen  Al songhen mordenaer mit claren stemmen 20  al saghe ic ghebraden duuen leuen  soe en sout my nouwe sulc wonder gheuen  Al saghe ic een plumeloose gans vlieghen  als dat twe ghelieuen soe hoghe verheuen  in minnen soe saen verureemden moghen    25  Och vrouwe hoe saen ist al vergheten  dat minlic handelen dat lieflic ontfanghen  Dat hertelic lyden der minnen smerten  het scheen men mocht doch niet verstranghen    +  Al meer al soude men ons hebben gehanghen  29   30  die lieue partyen dat soete benamen  en mocht v spraecti mer verlanghen	+  Fol. 42 (xxxi)  +  Fol. 42v (xxxiv)  29  benamen opnieuw geschreven na het doorgehaalde bename
[p. 60]    Al hadden wy ewelyck ghebleuen tsamen  gheen lieuer soet scheen te gader en quamen  Wes den anderen deerde liet elc doch weten 35  malcanderen troostende nae tbetamen  mer lacen hoe saen ist al vergheten     Goeden dach goeden auont is alle den troost nu  daer claghen ende suchten te syne plach  Niet meer eylaes sy op my en geeft nu 40  dan op den vreemsten die sy oyt sach  Het scheelt veel meer dan nacht ende dach  daer minne soe groot scheen tusschen os beijden  Dus roip ic ach ende meer dan ach  dat wy soe corts sy ghesceyden 45  Wat batet bewimpelen oft vercleeden  wie sal op yemants woert verhoghen  Daer wi twe van dalderliefste beelden  in minnen soe saen verureemden moghen     Het nieu geselscap is ommer verhoechlic 50  dat dus in rouwen heeft tonderbrocht  Nae uwen woorden scheent ommoeghelic    +  dat ghy myns ommer vergheten mocht  God lof ghy syt nu anders bedocht  al moet ic eylaes bliue inden commere 55  Doet ghelyc ghy voren ende achter ploocht  wel moetti varen dat bidde ic v ommere  Gaet lieuer rechter mer gheen tyt crommere  god geefs v gratie ende die ongespleten  Hier mede adieu ghy wert der nommere 60  nae dien dat soe saen is al vergheten                    Prinche     Noch bid ic voer v myn liefste lief  god wil v bewaren van dorpers monde  Die roymen aenbrenghen menich grief  want vrouwen blameren en dunct my geen sonde	+  Fol. 43 (xxxii)
[p. 61]   65  Betrout voert niemant tot geender stonde  den bloesem van eeren is saen vergheten  Noch bliue ic secreet getrou van gronde  al bin ic ey lacen mit v vergheten