[p. 63] REFEREYN XXXI Een wel ghemint wyf is een huys vol vrede  Al is een man quaet ende: verachtich  al coomt hi dagelicks thuys versmoort  Al staet syn aensicht droijuich ende swaerachtich  al smyt hi syn wyf om een cleyn woort 5    +  Al draecht hi haer clederen te woiken voort  al heeft sij nouwe een scoen aen haren voit  Al brengt hi werringhe oft discoort  is hy vriendelic ten bedde soe ist al goet  Daer wordet vergheten dat hy misdoet 10  dat naken versoeten alle quade zeden  10    dus segghe ic als ic ghetuyghe geuen moet  een wel ghemint wyf is een huys vol vrede     Al hadde een wyf al dat sy mochte versieren  planteyt van spyse ende confoort van wijne 15  Haer maechden haer knapen haer camerieren  haer bedde bestroeit mit rosemareyne  ypocras soete wyn tallen termyne  dat aenschyn te passe mit rosewater bestreken  Mer wanneer si haer nachtrenten verliest te syne 20  suerman wilter syn crucke in steken  20    Knape noch maecht en dorren niet spreken  tis al quaet watmen oyt dede  Men spreecter van sceyden alle weken  een wel ghemint wijf is een huijs vol vrede    25  Al syn die habyten mit gaten doorscoert  al moet den hongher die bottelier syn  Al ist dat wijf veel weent of knoert    +  wanneer sij mit magherman int bestier sijn

+  Fol. 44v (xxxiiiv)  10  de n van naken verb. uit v  20  de e van suerman boven den regel bijgeschreven.  +  Fol. 45 (xxxiiii)

[p. 64]    Al ist gelt te ghecryghen dier syn 30  al isser dicke groot ongheual  Daer die liefde mach euen fier syn  die nacht renthe die verwinnet al  Wat dat den hongher verdriet aen dede  die ermoide vergheetmen die comen sal 35  een wel ghemint wyf is een huys vol vrede                    Prinche     Wel ghemint is veele  sonder liefde ist quaet te doene tslot  Want die elders loopt ten spele  syn peese faelgiert hem tot inder not 40  Die hem scietens verstaende is die weet die waerheyt  dese onruste is tot menigher stede  Al laechmen int stroy int verkens cot  een wel ghemint wyf is een huys vol vrede