[p. 66] REFEREIJN XXXIII Die loon sal v die pyn versoete  EEn lappighe vrouwe van daghen out  quam tot een scoinlappers huys ghegaen  Scoinlapper seyt si van herten bout  soudi my willen een werck bestaen 5  Ja ic in trouwen ic wilt gern ontfaen  ghenen last en mach mij verdrieten  Brengt dat ghi hebt het wort gedaen  al soudicker half den aerbeit in schieten  Neen ghi lapperken ghi selter aen ghenieten 10  doeghet wel ende mit goeder moeten  Dleer is droghe ghi moetet beghieten    +  meesterlic nayen ende een stuck in schieten  Den loon sal v die pyn versoeten     Die lapper sprack legghet werck voer oghen 15  mynen meester soudi qualic connen vinden  15    Die louije vrouwe sprac ic wilt v toghen  soe wilt v te stoppen bevinden  Byloy vrouken ghi moech wel elders toghen  dleer is mij veel te droghe ende te hert 20  Oec soude ic daer alle myn naelde in schinnen  oec ist also droghe al waert een bert  Smoutet tot dattet mouter wert  uwen aerbeyt sal myn pyn voeten  Nayt herwaerts lapperken aen die schoere 25  en nayter een stuckskens leers voere  Die loon sal v die pyn versoeten     Oude leer lappen tis groot pijne  mij heeft wonder dat die menighe besuert  Tian ic lietse legghen al waersij mijne 30  twerck heeft mij te langhe gheduert	+  Fol. 46v (xxxvv)  15  de s van soudi verb. uit d
[p. 67]    Het is gherompelt ende seer gheschoert  wat batet datmen seer lapt of loort  hoe meer ghenaijt hoe groter gat  Och lapperken sydi nu nayens mat 35  ic hadde gern wat bad gehadt    +  mer ic moet my lyden goy scamel loiten  ghy syt wel moede ende nat  die loon sal v die pyn versoeten                    Prinche     Crancke lendenen ende doncker oghen 40  Soude ic van sulcke wercke layen  Biloi vrouwen ghi moecht v leer wel elder toghen  want ic en sal v nemmermeer naijen  Myn oghen besijpen mij myn hooft gaet drayen  quader werc en quam my noit te handen 45  Swicht lapperken spelt tonghen van tanden  peynst vriendelike wercken gaen voer groeten  46    Lapperken weest goederhande ic sal v lonen als ic can  al soudic versetten al myn pant  die loon sal v die pijn versoeten	+  Fol. 47 (xxxvi)  46  de e van groeten boven den regel bijgeschreven.