[p. 75] REFEREIJN XXXIX Hoe sout dan qualick in die weerlt gaen  MEn seyt die werlt wort lancx soe bosere  en ic seg neen en dat by desen  Al seydmen tvolc wert lanx soe losere  contrarie wert v van mij bewesen 5  Want ic en vinde in ghenen lande gepresen  5    onder princen ridders ionckers noch heeren  Dan gerechtige vaste trouwe gheresen  niemant verdringhende by enich verseren  Mer si willen der ondersaten goet vermeeren 10  niet scatten noch quellen weduen noch weesen  Dan rechtuerdich recht doen naeder scriften leeren    +  want sy den hemel winnen ende die helle vresen  Die geestelicheyt en wilt plucken noch teesen  den ghemeynen volc wat sy bestaen 15  hoe sout dan qualick in die werlt gaen     Besiet procoruers oft aduocaten  waer dat sy wonen in enighen hoiken  Ja al ist te bruessele oft hier ter straten  waer datse ymant bannen of vloiken 20  Sy vindent al van rechts weghen in haer boiken  nochtans en begheren sy niet dan simpel loon  Gheen loosheyt en willen sij soiken  soe ontsien sij god inden hoghen troon  En die coopman volcht oec den rechten toon 25  want hi is rechtuerdich in sijn comenscape  Ende die dienst knecht al heet hi claes of moon  hy is synen meester een gehuldich knape  Des ghelycks die maechden daer ic vruecht in rape  elc doet soe dat hi wilt hem wert gedaen 30  hoe sout dan qualick in die werlt gaen	5  vinde verb. uit winde  +  Fol. 52 (xli)
[p. 76]    Een rostusere om een gulden werlt  en sou enen anderen niet willen bedrieghen  Al haddi een peert soe net bepeerlt  hi en dede gheen loosheyt om xx vlieghen 35  Waer sietmen oec in kercken of in clusen lieghen    +  dese muijlstoters diet gelt mach passen  sy en loghen niet een woert om x gulden wieghen  Tis al soe syt segghen van haerder cassen  in die clercken sietmen ooc veel duechden wassen 40  sy en scriuen een letter niet wten weghe  Oft sy en willen oec by gheen meijskens brassen  daer sijse bij bedrieghen mochten te deghe  En die meyskens hebben oec van gode de seghe  dat sy maecht bliuen tot dat si nae huwelyc staen 45  hoe sout dan qualyc in die werlt gaen     Die scoijnmakers maken die scoijnkens dichte  al strecken sij tleer somtyts mitten tanden  Die backers en backen tbroot niet te lichte  want tis al groot ghenoech in allen landen 50  Die cleermakere is van synen handen  rechtuerdigher dan een hoyfyser ront  Hy en soude niet steelen twe enckel panden  52    al waert datter niemant bij en stont  Dan isser die moelenaer ic maecks v cont 55  die is noch die rechtuerdichste van allen  Hy en soude niet willen om xc pont  te diepe in yemants sackken vallen  Jae bouen syn recht wat die sulc mach callen  58    hi is al recht wte macht hem somtyts misgaen 60    +  hoe sout dan qualick in die werlt gaen                    Prinche     Wien sietmen vercopen schuym voer bier  of die de mate niet vol en meten	+  Fol. 52v (xli v)  52  de y van hy verb. uit e  58  de u van sulc gelijkt op il  +  Fol. 53 (xlii)
[p. 77]    Waer lopen nu dronckers daer of hier  oft tuijsschers heijmelick ijewerts gheseten 65  Waer hoortmen dat herinck vercoopsters wert verweten  dat sy vrack goet voer goet vercopen  Waer saechdi oyt melcwyuen diet volc bescheten  mit haere botermelc soe sy plochten  Waer siedi nu vechtsaken die hebben geuochten 70  off oude queenen coppelen draijen  Waer wonen nu vroukens die knechtkens wochten  die hen om een haluen stuuer laten paijen  Waer soudmen nu clappers of clappeijen geraijen  men vint int lant niet dan duechs vermaen 75  hoe sout dan qualick in die werlt gaen