[p. 84] REFEREYN XLIV Waerom en soudse dan niet die wertste syn  Oft mij een ionghe maecht net ghepersoont  reyn liefde toont bouen al dat leeft  En dat sij mij ghestadichlijck ongehoont  in haer herte croont ende gheensins en sneeft 5  En daer sij sulcke glorie in mij heeft  dat alle genuechte haer dunckt synde verdriet  Sonder myns bysyns dat sulcke vruecht geeft  dat sy alle solaes min acht dan yet    +  Haer bloit verandert haer als sy mij siet 10  ontsinckende int aenschyn root als bloit  10    Wt gheduerigher liefden ende anders niet  wanneer sy my yewers coomt indie moit  Gheue ic haer dan een woert van trooste soit  soe kentse my stat en toocht my daenschyn 15  waerom en soudse dan niet die wertste syn     Waerom en soudse niet die liefste wesen dan  16    die sulcke ionste toe ran / die vierich en heet was  Datse voer en coos ghenen man  of oec oyt began / tgheen dat my leet was 20  Mer haren soeten troost mij euen gheeret was  mit woorden troosten als in die daet  Dwelc my een leuen breet was  clage ic haer mynen noot sij geeft my raet  23    Dies therte verheuen in vruechden op gaet 25  Bin ic sieck sy is die my helpt op die benen  noyt en deedse my spyt oft smaet  mer was te mywerts bereet alteenen	+  Fol. 57v (xlviv)  10  tusschen als en bloit is een, uit een p verb. b doorgeh. (ook de p is doorgeh.).  16  niet geschreven boven het doorgehaalde nie  23  na noot is een g doorgehaald.
[p. 85]    Van liefde heb ickse sie weenen  had ic enighen druck sy hadde pyn 30  Waerom en soudse dan niet die wertste syn     Noyt en weet ic dat ick tenigher stadt    +  haer iet hiet of badt sy en heuet ghedaen  Menighe vrindelicheyt hebben wy tsamen gehadt  als nu dit als nu dat ende al mit liefden ontfaen 35  Menighen voetstap heeft sy om my ghegaen  en sij om mij om bij een te sijne  Half nachten smaels ghegaen ghestaen  haer ionste aenhorende en sy die myne  Niet achtende wint reghen of pyne 40  hoe wel dat seer cout was ende gheurosen  Sy en mocht my niet deruen die scoonste van aenschijne  altyt liet sy menich swaer suchten losen  Dat haer die wanghen van tranen blosen  als enich quay tonghe moch stroyen haer fenyn 45  waerom en soudse dan niet die wertste sijn                    Prinche     In v hert voer die liefste scryfse  46    in myn hert blyfse tot inden gront  Wt gheduerigher liefden mynen druc verdryfse  48    int herte beclyfse tot alder stont 50  Wanneer ons den dach plaetse gont  coutende by een twe uren of drye  dan geeftse my soe menighen vrindeliken mont  haer ermkens slaende tot in myn sye  En dwt my soe hertelic mit herten blye 55  my liefde tonende tot elcken termyn  waerom en soudse dan niet die wertste syn	+  Fol. 58 (xlvii)  46  na liefste is scrifte doorgehaald.  48  na druc is verdrifste doorgehaald.