REFEREYN XLVI Nochtans blyfic haer ghestadich alteenen  Al stelde samson eerst sijn betrouwen  op dalida der vrouwen [p. 88]    hij voir als dandere hy wert bedroghen  Troilus gheloofde tscoon aenscouwen 5  van brezede vol rouwen  ende sterf doer dat sy hem had gheloghen  Achilles sghelycks duer polluxenam dueruloghen  sterf inden tempel doende sijn offerande  Virgilius hinc confousilyc in die mande 10  doer bedroch van vrouwen crachtich vermoghen  Aristoteles quam oec tgelycks in doghen  Dit blyckt voer oghen  Hercules duer dyaniram hem seluen verbrande  salomon offerde daffgod tot synder scande    +  wies sal ic my poghen  Beraest betwijfelt gaen ic achter lande  men wijst mij mit vingheren ic moet bewenen  Al weetick dees trou is menigerhande  nochtas blyfic haer ghestadich alteenen    20  Nae dat alle wijse dus quamen in clachten  soe soude ic my dan wachten  of wyser syn dan die propheten te voren  Vrouwen sijn nu als die vul crachten  subtijl van ghedachten 25  hier bij soe heb ic vruechd verloren  Sij maect mij een ghespe en daer toe twe oren  daer ic wt liefde vertere mijn bloit  Tis al blamacie dat sij mij doit  een ander voer mij heeft sij vercoren 30  Dickwils heb ic haer huijs versworen  als die hem storen  mer ic en cans ghelaten om gelt noch om goet  Haer lieflick wesen haer opsien soit  blust mijnen toren 35  Therte is soe doersteken in venus gloit  dat my dunckt men soudse niet connen verreenen  Mer lacen al ben ic haer valsheyt vroit  nochtans blyfic haer gestadich alteenen  38	+  Fol. 60 (xlix) 15  38  na nochtans is een s doorgehaald.
[p. 89]    Dat ic vele claghen ten mach niet baten 40    +  ic bliue int verwaten  van haer daer alle myn troost aen staet  Al sie icker eenen anderen van achter wt laten  42    en my haten  met loghenen bedecktse haer dobbel daet 45  Tes vrunt of maghen die wten huse gaet  of yemant die daer enen sochte  Somtijts een ander die daer wat wrochte  mit trusen sij aldus mijnen druck verslaet  Vraghe ic wiet was dan spreect si quaet 50  dus doen ic verlaet  by vresen of icse vertoernen mochte  Dan toontse den aert die si voertyts plochte  dus roep ic om raet  Veruloekende die my daer eerst aen brochte 55  tot haer wiens herte blyft hert als steenen  Al berispic haer subtyl gedochte  nochtas blyf ic haer ghestadich alteenen                    Prinche     Al syn die vroukens scoon als goddinnekens  tsyn duuelinnekens 60  als syder xx payen mit enen monde  Verrasende maken die ionghe sinnekens  bedrieghende spinnekens  62      +  geen meerder fenyn ter werlt ijemant ije vonde  Diet proeuen sdaghelicks gheuen hier af orconde 65  en coopt gheen broot mer biddet om leenen  Al is myn troost gheneycht inden gronde  nochtans blyfic haer ghestadich alteenen	+  Fol. 60v (xlixv)  42  van boven den regel bijgeschreven.  62  na spinnekens zijn een paar onleesbare woorden doorgehaald.  +  Fol. 61 (lv)