[p. 97] REFFEREIJN LI Lof ioseph iesus voister heere vercoren  Lof duechdelijc ioseph iesus vrunt getrouwe  1    getrouwe man waerdi maria der maghet  Maget bleefdi suuer brudegom bi onser vrouwe  3    vrouwe maria heeft v wel behaecht 5  Behaecht sydi voer gode want ghi ii cronen draget  draghet my by iesum int ewich goet  Goet hebdi bemint ende onduecht veriaghet  veriaghet was van v dhouerdichs moet    +  moet om wel te doene in mij verstercken doet 10  Doet myn ziele bi uwer vruecht duecht orboren  orboren wilt op my v gracie soet  Soet sydi dies loue ic v na v behoren  lof ioseph iesus voester heere vercoren     Vercoren sijdi van gheslachte ryckelyck 15  ryckelyck sydi wt iacobs bloide ghegroit  Ghegroit quaemdi van dauid tis blijckelijck  blyckelyc eest dat ghi syt edel ghebloit  Ghebloit heeft v roideken dies v lof toe vloit  vloit in my sciencie ioseph heilich sant 20  Sant heylich verheuen elc v in zwitsen te vieren moijt  moyt uwe bruyt dat si mij gheue onderstant  Onderstant van trooste iesus aen v beuant  beuant hijs niet wel doen hij naect was geboren  Gheboren synde vloude in egipten lant 25  lant des peys voijende ghi als voren  lof ioseph iesus voester heere vercoren     Gabriel was v soe dicke toe sprekende  sprekende waerdi tot iesum alle duecht  Duecht ghi beminde on recht waerdi verstekende 30  Verstekende waerdi van v des werlts vruecht	1  ioseph rood onderstreept.  3  de l van bleefdi verb. uit e  +  Fol. 65v (liiiiv)
[p. 98]    Vruecht ghy maket mit iesum waerdi verhuecht  31    verhuecht v ioseph die iesum hebt ghespijst    +  Ghespijst oock maria die suuer iuecht  iuecht van suuerhede heeft v god ghewyst 35  Ghewyst sydi rechtuerdich want matheus v prijst  v prijst tvolc van almaengien om drucks verstoren  Verstoort moet die viant syn daer uwen lof rijst  ryst my bi v eer ick bliue verloren  lof ioseph iesus voester heere vercoren  39                      Prinche    40  Als ghi maria troude te wyue  schyue eedel dertich iaer en waerdi mer out  Stout waerdi tot duechden en reyn van lijue  na lyue vol vruechden v crachten syn menichfout  Betrout heeft v god om dat u duecht niet en cout 45  flout om my niet voer die helsche moren  45    Versworen en waerdi noijt mer suuer als gout  bedout in vruechden sydi dies my niet te seggen en rout  lof ioseph iesus voester heere vercoren	31  ghy verb. uit ghi  +  Fol. 66 (lv)  39  iesus boven den regel bijgeschreven.  45  de v van voer verb. uit o