[p. 104] REFFEREIJN LV Ic salt auentueren al sout mij smerten  EEn amorues minnaer seer grys van baerde  snachs al crochende achter straten sadde  en vryde een meysken amorues van aerde  die nou en sach een verckens swaerde 5  of enen tant in haer hoot niet en hadde  Sy droich een doixken gelijc een scottelsladde  ende daer bi een pelsken vol slycks gheuelt  Hij hiet robyn en sij laudate en wadde  dus wast recht souse nae thof ghestelt  9   10  Ten lesten sprac hi lief wat batet gequelt  10    wildi mij trouwen ic clede v mit swerten  trouwen seyd si sydi daer op ghestelt  .ic salt auentueren al sout mij smerten       +  Somma sommarum hij troude die bruijt 15  men deckte die tafel ten eersten croppe  die brugom scoot toe mit hongher ruijt  en speelde twe quaerten vol pappen wt  en die bruijt adt den hutspot sonder sneuen oppe  Die brugon greep een speetuerken mitten toppe  19   20  dat daer noch ouer was bleuen reste  En doudet soe langhe binnen den croppe  dat hyt al tsamen int buijxken veste  En sprac al iockende totter bruyt int leste  ic moet v eens cussen al hieti merten 25  Nonfortze sprac die bruyt doet vri v beste  ic salt auentueren al sout my smerten	9  de tweede (lange) s van souse verb. uit eene korte s  10  de l van lesten verb. uit r  +  Fol. 70 (lix)  19  de g van brugon verb. uit c
[p. 105]    Die bruijt hae enen ghescoren bol  27    en die brugom was camos en dapper int fracken  dus saten sy tot den croppe toe vol 30  en blincten ghelyc enen swerten mol  of rechte egiptuers doen bruyn int verlacken  Men sach die borstkens in haren boisom quacken  ghelyc twe verckens blasen lanc gheresen  Die brugom was bulcechtich en cort om sacken 35  tsceen een oprecht mercolfus by desen  Ten lesten sprac hy vrou bruyt gepresen  wij moeten eens dansen mit blijder herten    +  Nonfortse sprac die bruijt moetet ommer wesen  ic salt auentueren al sout my smerten                    Prinche    40  Hoochoppe soe die beren int coren springhen  spronghen sy tsamen in die bane  Daer en was gheen speelman dus ginc si singhen  een vrolic lieken om vruechs volbrenghen  aldus soe began sy in corten vermane 45  Ic bin die bruyt hedda hey vruecht geet mi ane  ic sal noch tauont opt beddeken syn  Als doncker is die bruyt alsoe ic wane  dat suldi ooc sprac doen die brugom fyn  En sal v niet grouwen in dit termyn 50  te bedde te gane mits die vremde perten  Ke neent sprac die bruyt coomt gawi robijn  51    ic salt auentueren al sout my smerten	27  gom van bruijgom doorgehaald en t boven bruij bijgeschrevcn.  +  Fol. 70v (lixv)  51  de r van sprac boven het woord bijgeschreven.