REFEREYN LVII Doer swercks vseren rethoricaens conste groyt  HErt sin memorie aderen en pesen  studeren in desen / hoe hooch mach wesen  rethorica en diese hanteren in consten  Op deser aerden 5  Soe vindic scriftuerlyc waerachtich int lesen  dat rethorica is doer goeds geest geresen  6    aen aron eerst vol godlyker ionsten  duer syns duechs aenuerden  In die wet der naturen na myn volherden 10  doen god selue gheboot  Wiese leert duer die sondighen gherden  dies hy truerlyck verscoot  Seggende ic bin van eloquencie bloot  Mynen geest sprac god sal v bi syn ter noot 15  weest altyt ghemoijt	6  na geest is gepresen doorgehaald.
[p. 109]    want daer rethoricams constige vruecht is groot  daer werct gods geest doer dexperiencie minjoot    +  diese eerlyck behoyt  duer swercs vseren rethoricams conste groijt    20  Noch gaf god in die wet der naturen subiect  eselen rethoricams conste perfect  daer hy die kinderen van ysrahel in present  leerde claer om blijken  Duer goeds geest daer hy mede was verweckt 25  ende nu in gracien twaer scade bedeckt  gaf god oec rethorica in syn testament  sonder beswijken  Synen apostolen constich in allen wyken  dies moet ic lauderen 30  Rethoricams conste noyt haers ghelyke  en diese hanteren  Rechtuerdich eerlyc sonder turberen  32    daer werckt goedts geest in sonder faelgeren  33    want haer conste gloyt 35  In sondaers die sy can declareren  haer vruechd en sal die ziel niet corrumperen  diet tstuck wel beuroijt  Duer swercks vseren rethoricams conste groijt     Wie rethorica vseert synt leken of clercken 40  die groyen doer goeds geest in allen percken    +  en syn wert een crone seer laudabile  van lauwer boomkes al  Ghelyck largus droech doer syn constighe wercken  soe ons die cronijke tuijcht claer om mercken 45  wie rethorica hadde amicabile  Voertyts groot en smal  waren poeten ghenaemt int ertsche dal  soet hem tuycht noch heden	+  Fol. 73 (lxii)  32  de r van eerlyc is boven het woord geschreven.  33  de t van werckt en van goedts is met zwarteren inkt bijgevoegd.  +  Fol. 73v (lxiiv)
[p. 110]    Int roomsche palleijs en ewich dueren sal 50  wilt den sin betreden  Wie best heeft rethoricams constighe seden  die heeft regiment ouer vele beden  soe ons scriftuerlyck vloyt  Rethorica is een conste vol vreden 55  daer cicero hem prinche af heeft besneden  en constich gheuoijt  due swercls vseren rethoricams conste groijt                    Prinche     Rethorica is eerst doer goeds geest ghesonde  en bij die meester in grieken vonden 60  ghelijc gaerghijas tullius en hermogra  Die der consten bant  van rethorica ionstich hebben ontbonden  Vermeert gheleert elcken tconstich vermonden  Want dexperiencie van rethorica 65    +  is der duechden brant  Want cristus leuen en steruen playsant  doet sij ons bekinnen  Haer conste figureert met geeste vaeljant  diese beminnen 70  En wat ghebuert mach syn ter werlt binnen  dus concludeeric voor alle sinnen  dat rethorica bloyt  Bouen alle consten wij die ons berinnen  want goods geest laetse ons ghewinnen 75  soe mijn motijf noch royt  Duer swercks vseren rethoricams conste groijt	+  Fol. 74 (lviii)