[p. 111] REFEREIJN LVIII Mer smorghens vondick dat al gheloghen was  Onlanckx droomde my dat sotste dromen  Ja men hadder padden met moghen scoffieren  My docht ic paus ghemaect was te romen  en myn wyf cardenael om sduechs verchieren 5  Myn kinderen aertsbisscopen doer myn bestieren  dus en mocht niemant teghen ons worstel clappen  Doen ghingen wij raet houden onder ons vieren  hoe dat wy veel tonnen gouts mochten snappen  Ic weet raet sprac twyf laet brieuen gaen lappen 10  op alle kerckdueren en sterck doen ghebien  Soe wye ghebonden is al draghen sy cappen  synt nonnen baghynen misshoude lien    +  Dat sy by ons comen wij sellen mits dien  elcken ontbinden welc noijt gheploghen was 15  mer smorghens vondic dat al gheloghen was     Ick consenteerdet als paus ende oec myn kinderen  dat ertsbisscoppen waren dies my therte loich  Die cardenael myn wyf wouts nie verminderen  want syscreef die bullen diemen al omme droich 20  Tvolc dat wetende brocht my gelts ghenoech  20    twas al ontbint my den bant verwaten  Deen vercocht syn soch dander perdt en ploich  en brochten mij gelt thuijs mit groten vaten  Tvolck liep te romen achter straten 25  soe dicke als mieren doen mit groten hopen  Triep al tsa tsa neempt viertich ducaten  en wilt mij desen bant ontknopen  Op dat ic weder mach onghebonden lopen  docht my dat elc sprac die daer wt ghetoghen was 30  mer smorghens vondic dat al gheloghen was	+  Vol. 74v (lxiiiv)  20  na gelts een r doorgehaald.
[p. 112]    Celsusters clarissen wilt van begheerten  31    riepen al hadt achter en voer ghebert  32    Ontbint ons eel paus of wy vercreuelsterten  want den bant des cloosters maect ons therte verert  32-34   35  Wy bringhen v gelts by mit hopen ghescert  seyde veel lollaerts doer sbants verstranghen  Dus ontbint ons al hebben wy lang ghemert    +  of wij willen die cappe opten tuijn gaen hanghen  38    Knechten ende meijskens die trou hadden ontfanghen 40  ende gherosiert hadden ghy siet wel my  Die seyden ontbint ons liefde is verganghen  want beel berows is ons comen by  Tsghelycks oec oude tabeyten och lief paus maect ons vrij  en ic deet docht my want in myn vermoghen was 45  mer smorghens vondic dat al gheloghen was     Daer quam soe veel volx docht mij tonbindene  dat gheen van ons allen mocht hebben ghemack  Om datment noyt meer en plach te vindene  soe wout al ontbonden syn wie yet ghebrack 50  Deen wyf riep ontbint mij van desen droncken sack  dander och mij van desen tuijscher verlost  En die een wyf hadde die qualick sprack  52    riep heer heer ontbint ons doer dit gelt vermost  Maer aerdighe vroukens vol weelden ghedost 55  die mit oude rochelaers waren bedwonghen  Spraken al ist dat hondert cronen cost  ontbint ons en gheeft elcken enen ionghen  Waert crepel of blint tquam al aen ghespronghen  om ontbonden tsyne wat oyt bedroghen was 60  mer smorghens vondic dat al gheloghen was	31  de n van clarissen verb. uit s  32  ghebert verbeterd uit ghebernt  32-34  , onder de r van ghebert en onder de tweede r van verert staat een teeken gelijkende op een omgekeerde v  +  Fol. 75 (lxiiii)  38  of in margine bijgeschreven.  52  na hadde is q geschrapt.
[p. 113]                   Princesse     Ic ontbant al dat gelt gaf soe my dochte  dies sinte peter wten hemel clam  62      +  Want hij enen anderen paus mit hem brochte  die mij doe alle mijnen pruetel nam 65  Dit siende werd ic op hem soe gram  dat ic mit mynder vuijst op sijn snotgat liep  En mit dien dat myn vuyst ghewronghen quam  sloich ic myn wyf soe die doe by my sliep  Dat sij bijnae al haer ghebueren riep 70  van groter veruaertheyt ick doe ontspranck  Twyf creet en maecten soe groot ghepiep  ja dat icker bey myn handen om vranck  Vloyckende den droom van fortunen cranck  want hoe ic van wanen snachs doeruloghen was 75  mer smorghens vondick dat al gheloghen was	62  vóór clam is doorgehaald quam  +  Fol. 75v (lxivv)