REFFEREIJN LIX Die begeerte ter werlt is meest int eijnde ruste  Als ic ouerpeijse mit rijpen verstande  die begheerte der menschen menigherhande  soe verwonder ic my seluen groot en smal  Wat meest mach begheert werden ten ertschen sande 5  die rycheyt begheren in swerlts warande  en tytelyke eere syn sonder ghetal  Nochtans isser veel int ertsche dal  die god dienen en versmaden goet en eere  Som begheren sy duecht som idel ghescal 10  som ghesontheyt som voitsel som bouen al    +  tsvleys wellusticheyt of lang leuen seere	+  Fol. 76 (lxv)
[p. 114]    Dus acht ic al deese begheerten meere  want sy verscheyden mer wat mont oyt custe  Of leuen ontfaen heeft van god den heere 15  die begheerte ter werlt is meest int eijnde ruste     Al dat leeft begheert ruste sijnt doue of blinde  16    want ic in genesi ghescreuen vinde  dat god daer toe heeft ghescapen ghemaect  Den nacht om allen creaturen ten inde 20  ruste te hebbene tot haren bewinde  want sonder natuerlike ruste naect  En can niemant ter langher tyt die altyt braect  staende bliuen mer vallen in quale  Mer waer gherusticheyt blyft ghehaect 25  daer is voerspoit van ertsche goeden ongelaect  dits crysostomus woort mit corten vernale  Rust is een huys een eetcamer een sale  vol ghenuechten seyt ambrosius mit lusten  dies segic wat lyf ruert int generale 30  dat begeerte ter werlt is meest int eijnde ruste     Augustyn bescryft ons een ouctoriteijt  testament en derue goods is gherusticheyt  en god is dewighe ruste ongheturbeert  Die elcken behaecht als augustyn seyt 35  en god roept dat wy wille comen int beleijt    +  sijnder rusten want gregorius declareert  Soe langhe alst therte ijet tytelycks begheert  soe en can die mensche niet gherusten eenpaer  En wie sonder ruste blyft ghetrauelgeert 40  sal moeten vergaen want ruste particuleert  ghesontheyt der ghemeente seyt ysidorus claer  ylglorie der priesteren en blyscap vorwaer  der landen vriese der vianden donghesuste  Dus wat onder decsel scuijlt der naturen swaer  44   45  dat begeerte ter werlt is meest int eynde ruste	16  de be van begheert boven den regel bijgeschreven.  +  Fol. 76v (lxvv)  44  nt van want doorgehaald en t boven wa bijgeschreven.
[p. 115]                   Prinche     Men niemant en vindt int swaer bestrijen  die hem hier niet en soude willen verblijen  soe en vindtmen oec niemant soe sterck becleuen  Hy en sou gheern rusten om syn beurijen 50  want om te rusten te comen bij tijen  eest datmen werckt heeft augustinus bescreuen  Want tgoet der rusten is soe groot verheuen  dat gheen sterffelyke creatuere goet  Ghenoechelyker ofte beter dinck beseuen 55  en mach begheren of horen int leuen  Of precioesser scat vinden dan ruste soet  Want sy niet alleene vanden menschen vroet  begheert en wordt dan oyt smenschen sin toe huste  Mer oec van beesten dus wat god leuen doet  59   60  dat begeerte ter werlt is meest int eijnde ruste	59  de b van beesten verb. uit v