LXIV    +  In beghin was dwoort en dwoort was bi gode  1    en god was dwoort  En een ewich woort  ouer alle dinghen hebbende ghebod  4   5  Oost west zuyt noort  om ghemeen confoort	+  Fol. 81 (lxxi)  1  in margine rechts joannis primo  4  na de d van ghebod is een e doorgehaald.
[p. 123]    Alle woorden vanden propheten gehoort  hebben doer dwoort haer wesen ontfaen  En tselue woort in een godlijck accoort 10  heuet twoort als woort mitten worde voldaen  Sonder dwoort soude tgeloue vergaen  sonder dit woort en maectkmen geen sacrament  Die thien geboden souden wanckelic staen  waer twoort gods niet in ons gheprent 15  Den wech des ewich leuens is ons bekent  doer dwoort dat vleysch gemaect is bi crachte  Tis daldersalichste beghin ende ent  soe segt ghij menschen bij daghe bij nachte  Dat is tsalichste werc dat god noijt wrachte    20  O woort dat worden syt vleysch en bloit  siele ende lichame  God ende mensche bequame  aen een maget / maget bliuende vol alder ootmoet  Sonder enighe blame 25  tot smenschens vrame  O woert dat om die misdaet van Adame    +  wt minnen sijt ghedaelt hier beneden  En iesus hebt ontfanghen den name  die persse hebdi alleene ghetreden 30  O woort dat soe veel hebt gheleden  in vleesch in bloit om smenschen sonden  Ghestoten gheslaghen tot vele steden  ghegeeselt ghecroont ende ghebonden  O woort aent cruce ontfaende vyf wonden 35  welc ons de voet van salicheden brachte  O woort vloit v tot alle monden  want nae myn verstant sondege drachte  Dat is tsalichste werc dat god noyt wrachte     O wonderlyc salich werck van minnen 40  woort alles machtich  Een god warachtich  ombegrypelyck alle menschen sinnen	+  Fol. 81v (lxxiv)
[p. 124]    hoe sterck hoe crachtich  hoe wys hoe voordachtich 45  Ja die engelsche natuer eendrachtich  verblyde als dit salich woort toe ginck  Dat voer god alder gracien deelachtich  minschelyc vleesch en bloit ontfinck  Alsoe saen als maria dwoort beuinck  49   50  wast vleysch en bloit en wert gheboren    +  Ende tself woort daer hemel en eerde aen hinc  moeste dan steruen voer dat was verloren  Alsoe tghepropheteseert was van te voren  daer menighe salighe siele nae wachte 55  O woort god en mensch vleysch vercoren  voor alle wysen gheleerden grachte  Dat is tsalichste werc dat god noyt wrachte                    Prinche     Princesse vander eedelder goutbloimen  die nae conste haect 60  Myn reden smaect  Voer tsalichste werck sal ict stout noemen  dwoort wel gheraect  dat vleysch was ghemaect  Gheboren ghepasseert al moedernaect 65  mit synen bloide svaders tooren sachte  Al waert dat ghy allen contrarie spraect  myn dunct altyt in myn ghedachte  Voer tsalichste werck dat god noyt wrachte	49  maria rood onderstr.  +  Fol. 82 (lxxii)