REFFEREIJN LXVI Tes wel een erm bruloft daer broot gebrect  Daer die brugom in vier syden beroyt es  ende soe nae gescoren ende gheuloyt es  sonder hemde springhende mit naecte benen  Ende synen danscers soe gexpuerjoyt es 5  en muylen heeft aen al syn teenen  En nerghens ghelooft es tontleenen  Daer nae die bruyt sit ghelyck valentyn  op een cussen buijten ende binnen van steenen  en daermen den wyn drinct soe hy vliet inden ryn 10  Dit moet wel een mottich bruloft syn  Ja te erm datmense voor erm vertrect  Nochtans dits al te lyden een cleyn gepijn  mer bouen al seggic int fyn  Tes wel een erm bruloft daer broot gebrect [p. 129]   15    +  Daer de bruyt losch enen ghescoren bol heeft  en daer op van wyngaerde eenen rol heeft  ende enen blouwen couel op twe gebroken socken  Ende die te huwelic den groten tol heeft  en achter straten. menighen pol heeft 20  en daermen moet gaen bidden salmen scocken  Ende daer vele voorsnijders der bruijt voer brocken  en daermen mit een mijtken offert int openbaer  En daer sy elc ix kinderen tsamen locken  en daer die croepele biscop eerbaer 25  mit voerryen den dans verstect  Tis een pouer bruloft ic segt v claer  al danstmer neghen weken naer  Tis wel een erm bruloft daer broot ghebrect     Daer die bruloft is soe dier becanst 30  datmer om tscrapen vanden rooster danst  en daer die cock van raeptstelen maect pasteijen  En daert soe qualic ghekieckent is en gheganst  datmen voort twiltbraet haechbessen scranst  voerwaer daer ist wel te drogher weijen 35  En daer die bruyt moet haer seluen leyen  en daer dmarscap bijster is ouer al  En daer die scottel mitten knope int scheijen  ronts om gaet daert wt drinckt groot en smal  En daer hoere xii int ghetal 40  mer v mosselen en werden voort ghestrect    +  Ic meijnt een erm bruloft heten sal  waert dus ghebuert mer bouen al  Tis wel een erm bruloft daer broot ghebrect                    Princhesse     Daer die brugom soe slecht is int scumen 45  dathi om een scaepshooft die stadt moet rumen  half sit mit ingheuallene caken  En tsauons moet gaen int gasthuys slumen	+  Fol. 84 (lxxiiii)  +  Fol. 84v (lxxiiiiv)
[p. 130]    of in die coolhof op een bedde sonder plumen  sou daer yemant die bruyt willen waken 50  En die hem smorgens int schietspel wilt maken  erghens voer die kercdoere voer syn gheniet  En hoopt hi sal dat wit gheraken  haddi onrecht die dit een erm bruloft hielt  Nochtans hoe byster dat hier ghesciet 55  ic segghe welc ons tot vruechden verwect  55    Doffgheslaghen van alle verdriet  die alle erm bruloften wel doersiet  Tis wel een erm bruloft daer broot gebrect	55  ver van verwect boven den regel bijgeschr.