REFFEREYN LXX Wat vintmen menighen lepen hase  Een prijeel geplant gent van manieren  vol scoonder bloemen met onuerssieren  2    mit eghelentier beset int ronde  Die sach ick in eens visioens bestieren 5  schoon blosende ghelyck der violieren  mit eender riuieren soe ick oerconde  Daer sachick noch meer soe ick vermonde  dies ick my vonde van herten swaer  Duer die menichte der hasen loos van responde  9   10  die tot dien stonde belaechden daer  Die bloymkens eerbaer / int pryeel van solase  die ouerluyt seyden mit woorden claer  wat vintmen menighen lepen hase	2  de tweede o van scoonder boven den regel bijgeschr.  9  na van is gronde geschrapt en responde erboven bijgeschr.
[p. 134]    Dees leepe hasen sonder beswijcken 15    +  sochten manieren en veel practyken  die lieten sy blycken / tot dier vren  Om dees bloymkens te cryghen sonder ghelyken  wel versien waren mit reynen dycken  deen woudse doen wycken en dander trueren 20  Noyt mensch en sach docht my vreemder cueren  dan sy int voldueren / en waren stellende  Die fantazie dee myn sinnen berueren  want ouer de mueren waren hen vellende  Die bloymkens quellende / mit hoeren gheblase 25  die nochtans waren dit vertellende  Wat vintmen menighen leepen hase     Doen dees hasen versaemt waren daer opt pleyn  ghingen sy te samen en hielen ghemeijn  om dees bloymkens reyn / te violerene 30  Enen prinche hadden sy een capiteyn  die romulus ghelyck was docht mij certeyn  dwelc een villeyn / was van ordinerene  Die ouerluyt stelde sonder te cesserene  om te triumpherene / een tornoys spel 35  Om dese bloymkens daer mede te persequerene  en te tribulerene / int groot ghequel  Dit was hen opstel seer valsch van ase  dus mochten sy wel segghen mit woorden snel  Wat vintmen menighen lepen hase                      +  Prinche    40  Dees bloymkens reijn wtghelesen  die waren bedroghen en quamen mits desen  daer vroecht sou wesen / nae dat hen dochte  Mer lacen daer was bedroch gheresen  dwelc sy niet wel en consten ghenesen 45  want romulus die peesen / van droefheden knochte  Daer hi syn villeynighe wercken me wrochte	+  Fol. 87 (lxxix)  +  Fol. 87v (lxxixv)
[p. 135]    ende bloymkens brochte wten pryeel van minnen 50  Dies elc eylaes wel segghen mochte  alsoemen plochte mit droeuen sinnen  Want sy desperaet van sinnen waren alf dwase  mochten sy niet dan wel segghen en doen bekennen  wat vintmen menighen leepen haze