REFFEREIJN LXXII
Wat vintmen menighen lepen hase
- EEn lustich vrouken niet out van daghen
- raet ghinck vraghen
- van hoeren lieue / die hoer was ontgaen
- Seggende onrustich moet ick v claghen
- 5
- vaet myn ghewaghen
- ghespele / en mynen moet ondecken saen
- Och myn lief die heeft my ontrou gedaen
- dies ick bliuen moet in swaeren verseere
- O god cupido wilt myn claechte ontfaen
- 10
- en geeft my confoort doch doer v eere
- Dat ic niet en bederue in ghenen keere
- want doer tbedroch haluelinghe ick rase
- Als ick ouerpeyse och lieue heere
- wat vintmen menighen lepen hase
[p. 138]
-
- 15
- Als ic dan ouerdencke die grote vruecht
-
+ mijn siele verhuecht
- die wij te samen dick hebben gheploghen
- Waer doer ick crencke myn ionghe iuecht
- soe ghy weten moecht
- 20
- om dat my die liefte dus heeft bedroghen
- Alle sijn beloften vindick gheloghen
- dies ic verdwyne als snee byden viere
- Die blou huijcke heeft hij mij aen ghetoghen
- dies ic bliuen moet in groten dangiere
- 25
- Valdi te mywert dus putertiere
- sondercause ghelijck een dwase
- Hij ja myn lief seyt hij dat waer per diriere
- wat vintmen menighen leepen hase
-
- Hij gaf mij scoon woorden wel mer anders niet
- 30
- dus eest gheschiet
- mer mit loghenen heeft hy thoot ghebonden
- Want hy een ander el wel lieuer siet
- dits my een swaer verdriet
- nochtans moet ickt verdraghen tot allen
stonden
- 35
- Vol der ontrouwen heb ick hem gheuonden
- o leepaerts bedrieghers van allen vrouwen
- Dobbel van herten gheueynsde gronden
- in wien sal ic nu stellen myn betrouwen
- Ick wilde sy saten al sout my berouwen
- 40
- sulcke mans totten hals toe inde mase
- Sou ic dincken dat die mans soe syn souwen
- wat vintmen menighen lepen hase
-
-
+ Prinche
-
- Blijft ghetrouwich uwer vrindinnen
- wilt die minnen
- 45
- dit te segghen ic mij twint en veynse
- Goet eere machmer oeck niet winnen
- dit moetty kinnen
|
|
