REFFEREIJN LXXIII Haddic mochtic en dorst ick soe sou ick  Een munnicksken ionck cloic en wilt wel bekent  liep totter poorten staende aen tconuent  om wt te gaen  Mer twas te spade die smit was der omtrent 5  soe sach hi doer tvincket een meysken gent  hij sprack haer aen  Och meysken haddic v inde baen  ghy en sout niet lichtelic van my scheijen  Doen sprack dat meysken ghy en sout ic waen 10  laet my dan in en gaet ons wat bereijen    +  ijgoy sprack tmunnicsken ic sou v wel in leijen  haddic de sloetel ende geldeken met  Loopt inden kelder seyt tmeysken sonder beijen  wy sullen den wyn wel drincken doort vincket 15  Hadick den sloetel sey hi soe waer ic vet  tis al haddic sprac sy en hier vercou ick  Ghi sout cloec syn seker sey tmunnicsken net  17    uwen raet vry niet en verspou ick  Haddic mochtick en dorst ick soe sou ick	+  Fol. 90v (lxxxiiv)  17  tusschen sey en tmunnicsken, te dicht bij elkaar geschr., is een vertikaal streepje geplaatst.
[p. 140]   20  Niet tegenstaende tmunnicsken liet syn conste blyken  en ghinck cloeckelic inden kelder kijken  en creghe den wyn  Daer mede liep hij ter poorten wert stryken  en ginghen drincken doer tvincket mit practiken 25  en vrolick syn  Och mochtick v een cussen liefken mijn  ghy soudt verlichten mynder herten gront  Ja ghy munnicksken antworde tmeysken fijn  sy leyden doer tvinket mont aen mont 30  Ick waer te vreden seij hij goet ront  mocht ic v naerder sonder meer gapen  Ic bin tuwen besten / coemt v ter stont  seyd tmeysken scalc willende hem betrapen  Och mochtic wt sey hy vruecht sou ic rapen 35  sou ic niet lief / want in v wel betrou ic    +  Och mochtick mochtick / sou ic niet bij v slapen  ja ick / neenick certeyn / nochtans hou ick  Haddic mochtick en dorstick soe sou ick     Als dmeijsken hoorde sin ghinck hem raden 40  dat hy syn cappe sou ontladen  eij opden tuijn wringhen  Mer dmunnicksken en dorst dat niet bestaden  vresende dat syn abt mocht hem versmade  inden kercker dringhen 45  Neen ghi munnicsken ghi sult hier springhen  wt dese veynster die al hier staet  Dats waer seijd hij dorstick mij daer toe bringhen  want dorst ic dat doen ten waer niet quaet  Doen sey dmeysken daer toe weet ic v raet 50  werpt my v cappe want sy is te groot  Hangt wt v langhe scapelaris sonder verlaet  en laet v soe rysen in mynen scoot  52    Dats waer sey dmunnicsken mingnoot	+  Fol. 91 (lxxxiii)  52  de n van in verb. uit m (twee en een half staafje)
[p. 141]    jaghy seydsy / springt vrij niet en flou ic  54   55  Ic en sal niet steruen voer enen stoot  och dorstick auentueren sey hy dat wou ick  Haddic mochtick en dorstick soe sou ick                    Prinche     Dmunnicsken van huer soe ghebeden was    +  dat hem verdroot en moede in syn leden was 60  van synder cappen  Hy werpse wt dmeysken wel te vreden was  hy de zoe veel dat hyder beneden was  ende gincker by clappen  Sy ghingen int wyn huys doen den wyn tappen 65  die cappe was daer toe goet ghenoech  Tmeysken cost wel die croyskens wt lappen  sij socht huer ghemac en hoer gheuoech  Hij dede sijn williken dmeysken die loich  mer altyt sat sy op hoer caken 70  Ten leste sy hem die cappe ontdroich  doen vant hy hem bloot in alle syn saken  Can ic niet sey hy int clooster gheraken  sonder cappe wat wondelyker bier brou ick  Sou ick wel dorren my daerwerts maken  74   75  haddick mochtick en dorstick soe sou ick	54  na seydsy / is niet doorgehaald.  +  Fol. 91v (lxxxiiiv)  74  de w van wel verb. uit een v