REFFEREYN LXXVIII Wat vintmen menighe leepen hase  Als alle ghenuechte was int saysoine  die velden ghecleet scoon ende groijne  ghinck ick een wandelen alleene  Lustich was den tyt in syn doene 5  dies hem verblyden alle dierkens coene  en alle voghelkens int ghemeene  Ick peysde vast op menich dierken reene  eerst op den hase in synre natueren  Die springende springt drie sprongen niet cleene 10  als hy syn legher ruymt telcker uren  Om verdriet te scouwen dit syn syn cueren  noch heefthi meer vreemtheyts vaet wat ic prase  wat vintmen menighen leepen hase     Int ouerdincken hadick melodije 15  vast nederwaerts siende aen deen sije  sach ic een man int coren vast cruypen  Ick docht wat sal dees bedriuen biden tije  oft hy hier quackelen wilt vangen int wije  18    mit dien sach ic een vrouken nae sluypen	18  na hy is(een lange) s doorgehaald.
[p. 150]   20  Tjan dochtic dat en is gheen dupen    +  die sulcke bloimkens int coren can plucken  Ick sach sy begosten den wyn te supen  wt een silueren scale hoort dees stucken  Vol van vruechden tmocht hem daer ghelucken 25  niet wetende dan van groten solase  wat vintmen menighen leepen hase     Nae veel cussens en tookens soe ic versinne  ghingen sy een stuck te coornwerts inne  en wrochten in venus acker soit 30  Een ander leepaert tot syn ghewinne  die crooper mit listen naer ten beghinne  en stack die scale in syn boisem mitter spoit  Hem pynende van daer tdocht hem goet  eer sy hem sien mochten / vaet myn ghewaghen 35  Int keren worden die amorueskens vroit  onnoselick sy op malcandere saghen  36    Ende doen schieden sy vol claghen  doen was hen solaes al vieseuase  Wat vintmen menighen leepen haze                    Prinche    40  Dees leepaert mitter scalen  ginck tot eens goits mans huys een paer cousen halen  en wou borghen acht daghen of thiene  Dander sey soict gelt sonder dralen  doen sey hy siet hier pant sonder verhalen 45    +  en begost hem die schale te laten siene  Hy gaf hem die cousen om clappagien te vliene  en hilt die scale die leepaert ghinck van daer  Daer hy dnaeyrsken vant reyn van bespiene  ende hy cocht twe hemden van haer 50  En seijde een silueren scale voerwaer  vindi tot deese mans huys niet van glase  Wat vintmen menighen leepen hase	+  Fol. 97 (lxxxix)  36  Boven de laatste e van malcandere staat een punt.  +  Fol. 97v (lxxxixv)