REFFEREYN LXXXI Non fortse mocht ick myn lief ghebruyken  Al soude die maen hoer schyne begheuen  al soude die god maers worden verheuen  al souden alle scapen worden serpenten  Al waer die lupaert syn cracht verdreuen 5  al wordent al wilde dieren die leuen    +  die niemant en cosste bedwinghen by experimenten	+  Fol. 100v (xciiv)
[p. 156]    Al vielen ter erden alle fundamenten  en elc moest sculen in bosschen en haghen  Al ghinghen te niet alle patienten 10  en dat doncker als die helle worden die daghen  Al souden die ghieren elcs vleysch doerknaghen  al souden alle berghen te gader luyken  Al soude my tverlanghen ter doot toe plaghen  Non fortse mach ick myn lief ghebruijcken    15  Al souden die vorsschen die snoycken verscueren  al souden die reygher alle vijuers wt pueren  en eten den visch al totten caelen gronde  Al soude die hauicken ewelick trueren  al en souden die valcken niewerts gedueren 20  noch datmen partrysen noch honden en vonde  Al spraken alle tonghen mit enen monde  of dat alle huysen keerden topperste ondere  Off dat al totten dake int water stonde  of dat al verbernde vanden spaenschen dondre  24   25  Al quame ter werlt het meeste wondre  dat elc van vare moest in een hantscoen duyken  Al quaem al dit lyden daer ic of bin vermondere  27    Non fortse mocht ic myn lief ghebruycken     Al souden die turcken comen int lant 30    +  diet al bedoruen boom bosch ende sant  om tvolc mit wraken hier te quellene  Al riepmen aen alle syden brant  32    of al soudt al verdreuen syn datmen oijt vant  en dat deen den anderen begonst te vellene 35  Al pijndemen om wtrecht te verstellene  oft om duijnkercken te voiren totter sluijs  of om twitte wter lieden oghen te pellene  of dat alle goide wynen worden veriuijs	24  de tweede d van dondre boven den regel bijgeschreven.  27  de tweede e van vermondere boven den regel bijgeschreven.  +  Fol. 101 (xciii)  32  de i van riep boven den regel bijgeschreven.
[p. 157]    Al souden alle bloemen worden gruijs 40  en alle tinnen potten quade eerde cruijken  All worden alle aduocaten befaemt en confuys  41    Non fortse mocht ick myn lief ghebruijken                    Prinche     Al souden alle wateren in een vergaeren  en die werlt vergaen binnen seuen jaren 45  en datmen niewerts sculen mocht dan in craken  Al souden die alle teghen den roncelberch varen  en op plancken driuen die binnen waren  en nemmermeer daer naer te lande geraken  Al en souden sij niet rusten mer ewelic waken 50  en nieuwers te sculen dan onder shemels pleijne  Al en vondmen gheen spyse dan noeten om smaken  ende niet te drincken dan claer fonteijne  Al waren alle marmaren gemaect soe cleyne  als tsandeken dat inde lucht mach smuyken 55    +  En dat allet gout smoute mit eenen rijme  Non fortse mocht ic myn lief ghebruyken	41  na All is e doorgehaald.  +  Fol. 101v (xciiiv)