REFEREYN LXXXII Die sijn beste doet / wat wiltmen hem wyten  EEn aerdich vrouken / van drie ses iaren  een dubbel vellikijn / van venus karen  quam laestent / daer sy een scipper vant  3    Vrindeken sprac sy / mach ic me varen 5  ja hebdi geldekyn / sonder beswaren  sprac tscipperkyn / ic steeck rasch af vander hant  Geldekyn seyd sy / waij vrient neen ick want	3  na een is sj geschrapt.
[p. 158]    ic hebbe duerwandert / menich stout foreest  Mer sceeps / en van stueren / heb ic goit verstant 10  ic hebbe / zeer dicwil / ter zee gheweest  Sout ghy dan wel stueren sprac hi oft waer tempeest  ke syt onbeureest seyd sy / sorcht niet twe mijten  Die syn best doit wat wiltmen hem wyten     Coompt rasch sprac tscipperken / helpt mij de mast richten 15  maectet seyl claer / wilt danckers lichten  het wayt een goet vaerweder / die wint is suijdt  Al re sprack tvrouken / vruecht salder bi stichten  siet daer wel toe / ic salt hier wel slichten  ouerstuer rasch sprac hij / die vloot gaet wt 20  Mer die wint / es hem corts geuallen seer ruydt    +  dies tscipperken ghinck geheel wanhoopen  Ke siet doch sprack tvrouken / wel simpel druijt  steect tscip inden wint / en laet den spriet lopen  Die moet was my / sprac hy / bijnae heel ontslopen  24   25  ic werck int knopen / dat myn handen rijten  Die syn beste doet / wat wiltmen hem wyten     Her vrouken sprac hy / langt my dat loot  ic sorghe voort sant / voor der platen stoot  sy gaft hem / hij taste / na die diepte snel  29   30  Volletop ha riep hy / ten is gheen noot  noyt scoonder diepte / gheen scip soe groot  het soude hier passeren / dat vuel ick wel  Rasch haestu seyt tvrouken / twater wert stel  33    de stroom coemt in / de wint is heel ghelegen 35  Langt bomen / en riemen / roijt / steect / sterc en fel  die voorstroom moet duer aerbeyt syn gecregen  Al re maet / hout daer siet / ic steller mij teghen  37    stout onuersweghen / dat my die leeden splyten  Die syn beste doit / wat wiltmen hem wyten	+  Fol. 102 (xciiii)  24  de ij van bijnae verb. uit e  29  na sy is het staafje van een p doorgehaald.  33  de vr van tvrouken verb. uit w  37  de r van daer boven den regel bijgeschreven.
[p. 159]                   Prinche    40  Dit scipperken veretack daer tusschen twe staken  wat dat hy royde / syn riemen braken  die mast es daer oock bij nae doerspleten  Och vrouken sprac hy / hoe sal ict maken  43    hoe mocht ic mit eren aent lant gheraken 45  ic meende ghy sout v bat hebben ghequeten  Want tsceeps hadt ghi v seer vermeeten  dmijn heb ick lacen meest in ghescooten  Tes v scult sprac tvrouken / ghi sellet noch weten  om dat ghi wilt varen sonder pylooten 50  In onbekent watere wilt ghi ooc vlooten  dies onuerdroten v roir most splyten  En al dedick myn beste ghy willet my wijten	43  de ou van vrouken verb. uit e en het eerste gedeelte van een tweede e