REFFEREIJN LXXXIII Haelt most wat cost tes vrouwen lost  Hoordyt ghy nachtridders ghi coorne weeldekens  ghi wittebroots kinderkens al lachende bijstier  2    Die ghenuechte raept in dese leuende beeldekens  spaert nu clippertant / cute / en homborchs bier 5  Ontpluyct den budel / de most es hier  vercloict v / verfraijt v / wiens bloemken prost  6    Ende en acht droifheyt quellagie of dangier  mer haelt most wat cost tes vrouwen lost	2  de i van bijstier boven den regel bijgeschreven.  6  na bloemken een s doorgehaald.
[p. 160]    Ghy met bediende lustighe raueelkens 10  die tallen kermissen en tallen feesten lopen  Duerjaghende soeckende lecker marceelkens  wilt nu den budel mildelick ontknopen  Jn desen most / en drincten mit hopen  neemt een vrouken mit v / nae den aert gedost 15  Haest v al soude stoelen en bancken vercopen  haelt most wat cost tes vrouwen lost  16         +  Maect v ghebraet met souse nae thof  partrysen velthoinderen ende plauierkens  Soe crychdi vander liefster danck en loff 20  sy prysen sulcken cost venus dierkens  Hasen canynen en sulcke venus camerierkens  voer diet mach tis al cleynen cost  Sy segghen gemeylick die bloesende lierkens  haelt most wat cost tes vrouwen lost    25  Jnden most tyt eest dat den wyn wel smaect  dan eest ick brenckt v myn liefste greyn  Al loiroghende dat sien int herte geraect  dat seyt hy die dit versmayde waer wel een villeyn  Want tes hier een ertsche paradys certeyn 30  en latet tgelt verscoyen eer dat vermost  Daer blyuicks wel by myn liefste compeijn  haelt most wat cost tes vrouwen lost     En dan voer dese lieflyke saykens  moetmen oeck hebben een lecker gheback 35  Enghelsche taertkyns gesukerde vlaykens  ghescakierde taerten soe sy syn som dunne en vlack  Van als wes ghi dincken moecht neemt v gemack  brast roip cryt drinckt scost en brost  Al sou den naesmaeck syn pekel brack 40  haelt most wat cost tes vrouwen lost	16  het verkortingsteeken boven de e van vrouwen is iets langer dan gewoonlijk, ten einde het bovenste gedeelte eener 1 door te halen.  +  Fol. 103 (xcv)
[p. 161]                   Prinche       +  Als ghy slapen gaet behoorter een bancket te tije  wildi dat huer v venus / in als verfrayt  Daer behoort amandelen zucaet tergije  eyeren lombaerts mit poyere dick gespraeyt 45  Tlyf die handen daenschyn mit rooswater bespraijt  en dan v amoruese te beddewert trost  Eest dat sy dan noch nae drincke crayt  haelt most wat cost tes vrouwen lost	+  Fol. 103v (xcvv)