REFFEREYN LXXXVI
Alsulcken aerbeyt is all verloren
- MEn seyt ghemeenlick in allen wycken
- aerbeijt is loons werdt sonder beswyken
- mer contrarie staet my te ghewaghene
- Van desen block sleepers en huers ghelijken
- 5
- slepende den block mit swaren practycken
- om dese dobbel dierkens te behaghene
- Den block die werdt hen suer te draghene
- den ploich te trecken is grote pijne
- Welcken aerbeyt naemaels es te beclagene
- 10
- want syn loon es beghect te sijne
- Sy setten hem dach mit blyden schijne
- mer luerken gaet me / al hadden syt gesworen
- Dus watse doen / off verstaen ten fyne
- als sy hem vinden bloot ghescoren
- 15
- Alsulcken aerbeijt es al verloren
-
- Alsulcken aerbeyt en deert hem een haer / niet
- al waer den block noch eens soe swaer / siet
-
+ sy achten den
aerbeyt licht van ghewichte
- Al syn die meyskens als wanckelbaer / riet
- 20
- sy kycken / sy gapen / sy vinden claer / iet
- om hen te spieghelen int schoone ghesichte
|
|
[p. 167]
-
- Sy sleepen / sy trecken / euen dichte
- sy ketsen / sij iaghen / sij lopen / sij rinnen
- Hen herten sijn altoos vast in sulc gestichte
- 25
- op huer diese met herten minnen
- Tes wonder dat sy niet en ontsinnen
- soe gaense beraest op die bloeme vercoren
- Sy smyten de sonne dats datse winnen
- sy blasen in enen ydelen horen
- 30
- Alsulcken aerbeyt es al verloren
-
- Den bloc dien sy aldus besueren
- en es genen geltblock noch ooc om scueren
- mer een vleysblock hert ende swaer
- Tes wonder dat sy connen ghedueren
- 35
- want den bloc moeten sy mit hen vueren
- ter kercken ter feesten soe swaer als loot
- Mij wondert dat tvolck niet ouerhoot
- die beenen en breect mit groten tasse
- Och god saechmen die blocslepers al bloot
- 40
- men soude wonder sien met hueren gebrasse
- Sy cussen den rinck dan synsy te passe
- al soudense van couwe daer versmoren
- Mer alsser een ander es inde casse
- en dat sy hen vinden gheplant daer voren
- 45
-
+ Alsulcken aerbeijt es al verloren
-
- Prinche
-
- Cort raet / goet raet / al mitter spoet
- sonder veel vrijens dat dunckt mij goet
- sonderlinghe aen dese dobbele vrouwen
- Sij sijn beueijst huer woorden sijn soet
- 50
- sij gheuen tvier de minnen gloit
- duer huer ghesichte en vrindelijc
aenscouwen
- Waerom die blocksleperkens wonder
brouwen
- van dansen van spelen / dits hen opset
- Den tabbaert te setten inde rechte vouwen
- 55
- hen haer te kemmen / gent en net
|
|
[p. 168]
-
- Den kam moet me / tspiegelken met
- meijnende hier mede nae vruechden sporen
- Mer alsser een cloickaert coompt ongelet
- en pluct die bloijmkens tot synder orboren
- 60
- Alsulcken aerbeyt es al verloren
|
