REFFEREIJN LXXXVIII  +  Es dit niet ter werelt een paradijs  Noijt paris en mochte viennen soe lief hebben  noijt en mocht troylus breseda soe minnen  2    Noijt en mocht trijtram in sulcken gerief debben  als twe gehoude amoruese sinnen 5  In liefde blakende en getrouwe kinnen  malcandere deylende tsoet en tsuere  Die man verblyende in synder weerdinnen  en sy des ghelycks in syn pointeratuere  Minlyc int wesen gheentyt suere 10  niet cutevoghene int vechten int tocken  Helzen cussen duijsent werf op een ure  een schoon doixken somtijts gestelt opt croken  Venus helpt daer tvier der minnen stoken  malcanderen helzende om den prijs 15  Es dit niet ter werelt een paradijs     Om rachel diende iacop xiiii iaer lanck  liefde heeft wonder te werlt gebrouwen  Priamus doer tisbe bleef int misbaer stranck  en sy desgelijx doer tdeerlick aenscouwen 20  Dus prijsic dan tusschen mans en vrouwen	+  Fol. 109 (ci)  2  de t van mocht boven den regel bijgeschreven.
[p. 171]    den huwelijken staet doer tsoet ghebruijcken  21    Gheen minlijker werck en machmen ontuouwen  dat tsolaes tusschen dese soete struijcken  Sy sceppen te samen iolyt met cruijken 25  doer tminlic opsien lachen en singhen    +  En sy dan achter die gaerdynkens duijken  daer sietmen houeren bancketten voert bringhen  Ghenuechelike woorden hen daer met minghen  soe datse bayen inder vruechden rys 30  Es dit niet ter werelt een paradijs     Cupido coomter syn vierich strael schieten  duer die vreedsaemheijt in hen geplant  Eere ghemack sietmen daer principael vlieten  oueruloidelic in minnen playsant 35  Pays verdrachelicheyt dit is den bant  des huwelycks in eeren gheseten  Betamelyke reynicheyt aen elcken cant  altyt euen blije dits hen vermeten  Van onpeyse gheen tyt willen weten 40  malcanderen gehoorsam sijn tot alder tijt  Die lachende mondekens geen tyt vergheten  es dit niet een vruecht een ewich iolijt  Die cuskens hem scenckende voer syn inbyt  mitten rode lippekens hem geuende tsys 45  Es dit niet ter werelt een paradys                    Prince     Als die vrouwe van kinde beurucht gaet  46    dan dinckt de man laes het moet huer dit verwegen  Wt melydene dat hy soe beducht staet  tot dat sy van kinde is gheleghen 50    +  Als dan tkint syn kersdom heeft gecreghen  en dat op en groijende dees ionghe iuecht  En tot alder ghesontheyt is ghenegen	21  de r van ghebruijcken boven den regel bijgeschreven.  +  Fol. 109v (civ)  46  de eerste u van beurucht verb. uit r  +  Fol. 110 (cii)
[p. 172]    noyt blyscap meerder noyt volmaecter vruecht  Als sy tkint aenscouwen hen siele verhuecht 55  mits dat ter goeds eeren op es groyende  Soe dat op wast in alder duecht  elc mit vruechden hem des vermoijende  Tvier der minnen werdt dan eerst gloyende  doer tvredelick leuen in dit auijs 60  Es dit niet ter werlt een paradys