REFFEREIJN LXXXIX Denckt dat ons die goetheyt goeds dit al doit  Wye es soe wys en soe voordachtich  die verstaen sal die goetheyt crachtich  van gode almachtich  daer wy by leuen 5  Dit vraecht dauid alder gracien deelachtich  of hij segghen wou / niemant / met worden clachtich  dit es waerachtich  aldaer bescreuen  Doer die goetheyt gods / daer wi aen cleuen 10  werdt ons ghegeuen / en tgoet en tquaet  Ozeas die prophete verheuen  heuet bescreuen / dus gade slaet  Daer in een staet / enich quaet op gaet  alder correctien daet / coomt vanden heere 15    +  Die goetheyt goeds / diet al verstaet  weet beteren raet / voor ons een leere  Al syn wy dan verdruckt tot menighen keere  in goet in eere / cryghende teghenspoit  En valt niet wederspannich bidt euen seere 20  en denckt dat ons die goetheyt goods dit al doet	+  Fol. 110v (ciiv)
[p. 173]    Die goetheyt goods laet tquaet ghescieden  om dat alle verherde lieden  22    souden doerwieden  huer consciencie 25  En om dat sy ons soude verbieden  onsen wille te doene / nae tsins bedieden  en soe doen vlieden  tot abstinencie  Want tquaet dat wy hier lijden met diligencie  29   30  tot goods presentie / brengt ons met ghewelt  Al sy wy dan met pestilencie  doer goods sentencie / gedreijcht en gequelt  Al syn die landen in twiste ghestelt  al wort ons vertelt / van nieuwer tribulacien 35  Al wordt die coopman neder gheuelt  al neemptmen hem syn gelt / tot meniger spacien  Al hoortmen van brande van murmuracien  roept totter gracien / verliest genen moet  En als ghi syt in uwer contemplacien 40  denckt dat ons die goetheyt goods dit al doet  40         +  Met dauid die propheet moechdyt gronderen  als god siet dat wy perseuereren  ende persisteren  met quaetheyt verbonden 45  En dat wy ons niet en verneeren  soe wil hy ons soe corrigeren  dat wy blammeren  ons vuyle sonden  Dus coompt die goetheyt goods in ons beuonden 50  ons valsche gronden / en herten besnijen  Als die romeynen int witste stonden  51    teghen die honden / van tartarijen  52	22  de tweede r van verherde boven den regel bijgeschreven.  29  na dat is h doorgehaald.  40  de g van goods verb. uit d  +  Fol. 111 (ciii)  51  rosemereyne doorgehaald en romeynen erboven geschreven.  52  de o van honden verb. uit e
[p. 174]    Sy hadden teghenspoet aen allen sijen  sonder bedyen / en bleuen inder noot 55  Dit dede die goetheyt goods te dien tijen  ic moet belyen / tes augustinus bloot  De goetheyt goods is noch al euen groot  sy plaecht ons ouer hoot / om een beter goet  Al lyden wy dan menighen herden stoot 60  denct dat ons die goetheyt goods dit al doet                    Prinche     Dat tswert van wrake voormaels seer breet  nu niet en slaet nae die rechtuerdicheyt wreet  soot hier voortyts smeet  wat isser teghen 65  Die goetheyt goods en die minne heet  dats ons een teken en claer bescheet    +  dat hij ons es bereet  en tot ons gheneghen  Waren goods plaghen in ons gheleghen 70  wat batet versweghen / wy souden steruen  Mer hy castyt ons nae syn goetheyt weghen  71    soe vaders pleghen / willende ons eruen  En laet ons dan op niemants kerf keruen  mer ons sondich bederuen / selue bekinnen 75  Want goods correctie syn soete conseruen  die hy ons doet verweruen / wt rechter minnen  Al hebben wy orloghe buten en binnen  daermen somtyts siet rinnen donnosel bloit  Spreect op niemant / bedwingt v sinnen 80  denck dat ons die goetheyt goods dit al doet  80	+  Fol. 111v (ciiiv)  71  na hy is j doorgehaald.  80  de g van goetheyt verb. uit t