[p. 175] EEN ANDER REFEREIJN XC Es dit niet ter werelt een paradijs  Als twe gheliefkens tsamen vergaert sijn  in houwelyken staet vol melodyen  En sy wel ghemaniert gent naden aert syn  vruecht moet daer ghebaert syn / van beide syen 5  Als sy dan in malcanderens aenschyn verblijen  hen liefde draghende in reynder minnen  Niet achtende wie hem mach benijen  mer altyt liefken es hens woordt beginnen  Ja waer sy syn tsy buten of binnen 10  daer nemmermeer twist en is noch discoort    +  Daer sij soe godlijken verwaren haer sinnen  dat soete lief es hen beijer woort  Daermen dusdanighe vruecht orboort  13    en lieffelyck houdende es een auys 15  Ees dit niet ter werlt een paradijs     Een paradijs dunckt my dat wesen moet  doer tlieflick woort seere siet van thoone  17    Als die man dan seyt ghi waert gepresen goet  en wtgelesen soe propre ende soe schoone 20  Als tvrouken dan antwoort ghy spant de croone  in mynder herten lief sonder beswijken  Als die man dan otfuncken es los van hoone  ende gaet den vrouken haer handekens stryken  Als sy dan in malcanderens oochskens kycken 25  dat tdoicksken ontspelt wort vry sonder vaer  En laet den man wt liefden blycken  een vrolic wesen en haer geeluwe haer  Als dan die twe ghelieuekens daer  wt liefden verpachtende syn venus chijs 30  Es dit niet ter werlt een paradijs	+  Fol. 112 (ciiii)  13  de r van Daermen boven den regel bijgeschreven.  17  na seere is sitte doorgehaald.
[p. 176]    Alst twerck van minnen dan volbracht es  doer tlieffelyc sien ende tboirdelick tooken  En men daer verlangende weer naeder nacht es  en vruecht verpacht es / doer venus stooken 35    +  Als tvrouken dan seyt nu es tbedde gebroken  O ist niet lieffelick siet / op myn trouwe  Als vanden man dan wordt gheproken  ic salt weder maken blyft los van rouwe  Gaet speelt ghy een lieken myn wertste vrouwe 40  en laet toch v santoriken clincken  Want myn herte verblyt als ic v aenscouwe  doer v vrindelyck oochskens die op mij wincken  Als sy hem dan gaet een lieken scincken  waer doer hy haer is geuende lof en prys 45  Es dit niet ter werlt een paradijs                    Prinche     Die den name vanden haze draecht siet  Ouerpeyst dit leuen eest niet een vruecht.  Als van hen beyen en wordt gheclaecht niet  mer elcken behaecht siet / malcanders vruecht 50  En opgroyende syn in huerder iuecht  ghelyc een wel ghebloyet rys  Berecht myn vraghe op dat ghi muecht  Es dit niet ter werlt een paradijs	+  Fol. 112v (ciiiiv)