[p. 179] EEN ANDER REFFEREIJN XCII En es dit niet ter werlt een paradijs  TEs wel een ghenuechte gehuwt te sijne  daer de man en wyf mit bliden schijne  te samen wt eender scottelen eten  En daer sys eens draghen sonder pijne 5  en niet seer gestort en syn met wijne  noch daermen niet veele en heeft gesmeten  Mer somtijts wel van hongher heeft ghecreten  en deen opten anderen heeft sitten wieren  En daer sy hen wel dorren vermeten 10  dat sy brassen souwen al warent ghieren    +  En daer sy properlick met manieren  hazenoten gaen plucken onder trijs  En daerse drincken datse stieren  wter grachten oft ander reuieren 15  Es dit niet ter werlt een paradijs     Daert dan dese twe soe wel eens draghen  dat sij somtijts malcanderen vraghen  wat sy teghen auont wille bereijen  En daer sy bey aen een beenken knaghen 20  en minlick knappen sonder slaghen  mer vromelick mitten tanden weijen  En daer sy gracelick onder hen beijen  gherne siet neuen een gaen ligghen slapen  En daer sy fraylick sonder screijen 25  van lachene deen op dander gapen  En daer die borstkens soet suet syn int rapen  datse bouen alle anderen winnen prijs  En daerse de man soe wel can lapen  al warent kinderen of ionghe scapen 30  Es dit niet ter werlt een paradijs     Als dan dees twe deen dander dus minnen  en helpen ghelyc de scapree ontghinnen	+  Fol. 114v (cviv)
[p. 180]    en cryghen een ionck kint opten scoot  En daer deen haspelt en dander gaet spinnen  34   35  niet wetende van vruechden wat beginnen  om datse een kint hebben schoon en groot    +  En daerse al melc en wittebroot  voer tkint gaen broeken sonder vercouwen  En daer de man coomt gescoten int hoot 40  dat hij voor deten ghenuecht wilt brouwen  En seyt wy moeten eens dansen in trouwen  gent onder ons beyen sonder afgrijs  En dat sy deen hant in dander duwen  en gaen daer singhen sonder ophouwen  44   45  Es dit niet ter werlt een paradijs                    Prinche     Ick en sou thuwen v niet ontfrayen  46    want ic my seluen wil ooc gaen bestaijen  tes toch al ghenuechte datmen daer hoort  Ende daer die oochkens soe minlick draijen 50  dat sy deen dander in liefden paijen  en nemmermeer op een en worden gestoort  En daermen noch noyt en heeft ghesloort  mer altoos lief tes goet om achten  En al essmen somtyts mit hongher verdoort 55  damoruesheyt stellet uwten ghedachten  En daermen noch noyt en hoorden clachten  mer altoos eens draghen met goeder auys  En daer sy malcanderen int bedde wachten  het sy met jonsten oft anden drachten 60  Es dit niet ter werlt een paradys	34  na deen is doorgehaald ha gevolgd door een uit e verb. (lange) s en door een uit (eene lange) s verb. p  +  Fol. 115 (cvii)  44  de n van gaen verb. uit r  46  v boven den regel bijgeschreven.