REFEREIJN XCIV Es dit niet ter werelt een paradijs  Daer man en wyf in liefden vereent sijn  en sy malcanderen hertelike minnen  En alle ghenuechte in hen versteent sijn  als sy van deen dander syn wilt dit versinnen 5  Gheen ghenuechelyker dinck ter werlt binnen  dan man en wyf ick segt v claer  Als sy malcanderen eendrachtelic kinnen  tes een hemelsche melodie dats waer  Coomt een man van buten ou lief sydij daer 10  dats deerste groite die een man ontfeet    +  Al waer hy dan van herten noch eens soe swaer  hy moeste wel ghetroost syn al waert hem leet  Seyt sy dan lief coomt sitten tis al bereet  ic sal v v gherief doen myns herten iolys 15  Es dit niet ter werlt een paradys     Tes een paradys dat altoos cluchtich es  als man en wyf tsamen in liefden treden  En als dan die man sieck of suchtich es  en hem thooft sweert / twyf sweren die leden 20  Dan seyt sy ter stont lief syt toch te vreden  en verlicht v herte en maect enen moet  21	+  Fol. 117 (cix)  21  de t van verlicht boven den regel bijgeschreven.
[p. 184]    Noch hadic my lieuer die doot bescreden  dan v te verliesen myn alderliefste soet  Dus segt wat v es en spaert geen goet 25  ic sal v segt helpen myn liefste ghepresen  Een man dit horende / peyst wat de liefde doet  wort dan van herten ter stont ghenesen  Van vruechden verlichten hem aderen en peesen  doer die soete woorden syns liefs bewys 30  Es dit niet ter werlt een paradys     Als dees twe dan van als ghewaecht hebben  soe wordet tyt dat sy slapen souwen  Dan eest liefken ic sou v gheuraecht hebben  of wy tsamen te bedde gaen wouwen 35  Dan seyt sy iawy lief gawy in trouwen  ic bin bereet mits der liefden die my dwingt    +  Dan gaen sy malcanderen in darmkens douwen  soe dat van vruechden syn hert ontsprinct  Alle amoruese geesten ouerdinckt 40  wat vruechden moet daer syn in dit vermeijen  40    Tot smorghens als dan den dach op dringt  soe nemense orlof onder hen beyen  Al cussende al tockende dat sy scheijen  ghelyck ionghe kinderkens tes hen auijs 45  Es dit niet ter werlt een paradys                    Prinche     Ghy en hoordes noyt vermonden  daer dusdanighe liefde iet veel gheschiet  Noch ic oock voorwaer tot ghenen stonden  48    want certeyn ten ghebuert tonsent niet 50  Nochtans eest altmet goet / mer meest verdriet  myn wyf en past op my niet een luere  Dus woon ick achter diet wel besiet	+  Fol. 117v (cixv)  40  de r van vruechden boven den regel bijgeschreven.  48  de v van voorwaer een onvolledige w
[p. 185]    nochtans sonder my en canse achter noch vuere  Spreeck ic een woort soe seytse steect v duere 55  gaet henen slapen vuyl droncken ghijs  Dan prysick op myns refereynkens tenuere  Es dit niet ter werlt een paradys