REFEREN XCVI Es dit niet ter werlt een paradijs  Tparadys des werelts es vol melodijen  daer elcs amorues herte in mach verblyen  aen alle sijen / alst gheluck mede sleet  Want als twe amorueskens deen dander vrijen 5  sonder bedroch in eeren tot allen tyen  wie sou belyen / huerder vruechden bescheet  Elc heef ghenuechte in synder liefden heet  gheen vruecht soe ghereet / als sliefs beminnen    +  Al ist dat lief na lief seuen iaer lanck gheet 10  ten es hen niet leet / wilt dat bekinnen  Op dat sy ten lesten troost ghewinnen	+  Fol. 119v (cxiv)
[p. 188]    tsamen vergaeren nae hen auijs  Jn huwelyken state mit blyen sinnen  hier om vraechick doer myn slecht plomp bewijs 15  Es dit niet ter werlt een paradijs     Wie sou vertellen in enigher manieren  die vruecht die twe amorueselike dieren  ghehuwt synde hantieren / vroech en spade  18    Sy token sy spelen ia mit blyder chiere 20  soe omhelsen sy die bloesende liere  dwelc elc sonder vieren / en es gheen scade  Deen minlic den anderen staet in stade  en leeft bij rade / sijns liefs vol eeren  Oft dan daer ghesayt wordt van venus sade 25  met ionstighen dade / om vruechs vermeeren  Dat hen doochkens als doppekens verkeere  groyende in vruechden ghelyc een rys  En doer dlaboreren niet en verweeren  mer swetende als een doijende ys 30  Es dit niet ter werlt een paradys     Als dan dees twe amoruese creatueren  in huwelyke versaemt sy sonder trueren  ter goeder uren / maken sy dan iolijt    +  Onghenuechte is daer ghesloten buten mueren 35  mer vruecht der vruechden wast hen aen int voldueren  sonder versueren / soe wast oec appetyt  Domhelsen vanden ermkens coompt dan int crijt  stryt sonder nijdt / wort minlick begonnen  Alsdan desen amorueseliken strijt 40  weder ghesoijnt wordt in corter stonnen  Met enen omhelsen / dat syt elc gonnen  en dminlick hergaen haect naden prys  Daer dit gheschiet binnen der bedsponnen  betalende minlick elc haren chys 45  Es dit niet ter werlt een paradijs	18  de r van vroech boven den regel bijgeschr.  +  Fol. 120 (cxii)
[p. 189]                   Prinche     Dat inden amorueskens scelen  moghen gehoude personen vroelick spelen  nae venus beuelen / sonder enich begrijs  Dus vraechic noch eens en willes mij niet helen  49   50  daer vruecht der vruechden niet en can vernelen  Es dit niet ter werlt een paradijs	49  de v van vraechic is een onvolmaakte w