[p. 192] EEN ANDER REFEREIJN IIC Es dit niet ter werlt een paradijs  Van allen menschen ter werlt vergheerende  te water te lande hen ghenerende  geestelick werlick / siec of ghenese wesen  Van allen oerdenen tlichaem deerende 5  met penitencien den viant verwerende  mach een oordene tmeeste van desen wesen  Daer meer susters en broeders inne gepoesen wesen  dan in allen oordenen der prelaten  Dats den huweliken staet daer meer resen wesen 10    +  en noemssen der oordenen wter maten  Professie doende wt caritaten  als man en wyf ionck oft inder outheyt grijs  Vol alder genuechten in scaden in baten  die moghen wel segghen ter goeder wijs 15  Es dit niet ter werlt een paradijs     Die huwelyke staet is groot en mechtich  goet in werden ende vol duechden crechtich  daer hy wordt ghehouden sonder verkeeren moet  Man en wyf te bedde in liefden eendrechtich 20  hebbende anders gheen meninghe waerechtich  dan dat sy mochten die werlt vermeeren goet  En kinderkens winnen ter goods eeren vroet  die meninghe es goet salich en fyn  Verghetende al dat druck verseeren doet 25  legghende erm in erm aenschyn bij aenschijn  Blosende schoone als een root robijn  betalende de schult inder liefden chys  Sy die in alsulcke blyscap syn  die moghen wel segghen nae myn auijs 30  Es dit niet ter werlt een paradys     Doorden des huwelycks is aencleuende  sy die hen daer inne syn begheuende	+  Fol. 122 (cxiiii)
[p. 193]    ende den reghel daer aff onderhouwen wel  Die syn al meest in vruechden leuende 35  al es therte somtyts en weynich sneuende  duchtende of liefde mocht vercouwen fel    +  Mer de kinderkes moghen weder bouwen tspiell  37    dat memmeken teyteken mach bedwinghen  Segghende jan wilt my die doixkens vouwen snel 40  v soonken sal v een luttelken springhen  Dan gaet moyrken den kindeken een lieken singhen  groyende in duechden als een bloyende rys  Vintmen ooc enighe sotter dinghen  43    dan moeder en kint inder liefden iolijs 45  Es dit niet ter werlt een paradijs                    Prinche     Der spranten princelick engien  campioen des huwelicks ouermits dien  dat daer seer veele in es te strijene  48    Betalinghe der scult mach wel gheschien 50  mer oneerbare lusticheyt salmen vlien  die es te scuwen en te vermijene  Om tsacrament des huwelicks te beurijene  geeft die heylighe kercke raet te versinnene  Hoe die oneerbaerheyt is te vertyene 55  om deen dander niet meer te bekinnene  Daer met meer kindekens en syn te winnene  want reynicheyt blinct voer gode claer als ys  Sy die suuerheyt pleghen te minnene  die moghen wel segghen in dat porprys  59   60  Es dit niet ter werlt een paradys	+  Fol. 122v (cxiiiiv)  37  boven de e van tspell is eene i bijgeschreven.  43  de eerste t van sotter verb. uit e (boven die t is nog eene t bijgeschreven)  48  de v van veele is eene onvolmaakte w  59  na wel is g doorgehaald.