[p. 3,113] [Varianten Spiegel: Gentsche Fragmenten.] 20  Op die stat herde sciere,  Ende vacht also op die gone  Vromelike ende herde scone,  So dat hem tbloet ran daer neder  In sinen arme, voort ende weder, 25  Van dien die hi daer doot sloech.  Dese bejagede der eren genoech.  Daer wart hi vermoeyt also,  Dat hi nemmeer mochte do,  Ende liet zijn zwaert steken daer 30  Int plankit, ende clam of daer naer  Van der leder daer ter stont;  Maer hine was niet sere ghewont  Anders dan hi moede was.  Doe clam een jonghelinc op na das 35  Van .xviii. jaren dapperlike naer,  Ende trac uut dat zwaert aldaer,  Hare alre ondancs diere waren,  Ende vacht coenlike daer mede twaren  Ene langhe stont op die van binnen: 40  Dese hiet Dideric, als wijt kinnen,  Ende . . tsier was sijn toename.  In . . . . . ware groter scame  Moesten si hem op gheven daer,  Ende dit was oec eer, vorwaer, 45  Eer die keyser conde comen scone  Uten palen van [Co]r[t]one,  So hadden si dit ghewonnen.  Nu sijn si voort trecken begonnen,  Eer die keyser daer conde comen, 50  Ende hebben een stedekijn anghenomen, [p. 3,114]    Dat op een scone velt lach.  Die marscalc, die hem niet ontsach,  Heeft ghent stedekijn bestreden;  Hi hat sonder striden leden.  Die keyser Heynric legge ...  Doet ende heeft oec begonnen.  Also grote dinc onder der zonnen  Nie prince hier voren dede, 5  Ende oec op so corten stede;  Want haddi moghen leven lange,  Hi hadde gehat in sijn bedwange  Al die werelt oec sekerleken;  Hi hadde sine pale ghesteken 10  Vorder dan Hercules dede,  Of oec dan Alexander mede;  Maer sijn leven was tonlanghe.  Doe hi hadde in bedwanghe  Die stede, is hi vort gevaren 15  Tenen castele mit sire scaren,  Dat hiet die casteel te sinte Jan.  Daer lach hi voren ende menich man  Mit groten assaut, hoe dat gaet;  Want dien van binnen, verstaet, 20  Was ghelooft ontset te doene.  Om dat waren si herde coene  Ende verwerden hem vele te mere;  Maer dats om niet, in ghenen kere  En comen sijs niet gherne naer, 25  Daer hise bestriden mach, vorwaer.  Om dit ghinc men vaste an  Enen dach al dore dan [p. 3,115]    Ende enen nacht mit groter cracht.  Die van binnen, doe si dese macht 30  Saghen des keysers liede doen,  Ende sise niet lieten gheroen,  Ende haer hulpe oec niet en quam,  Worden si binnen trage ende lam,  Ende versaechden hem te meer. 35  Om dit so wart ghewonnen teer  Die casteel van sinte Johan;  Want sander daghes doe began  Die sonne opgaen van den dage,  Was hi gewonnen, sonder saghe. 40  Daer vonden si goeder spise vele,  Dier nam daer sulc te sinen dele;  Ende goeden wine vonden si daer,  Dies dranc die wilde, weet vorwaer. Van enen passe, daer skeysers viande laghen, die hi liden moeste, soude hi te Florensencomen .xliiij.  Nu es die keyser voort gevaren  Ende wilde trecken sonder sparen  Te Florensewaert ghereet;  Maer onder weghen nu daer steet 5  Een pas, daer hi moeste liden,  Soude hi te Florensewaert tiden;  Ende op den pas een tor stont,  Groot ende sterc, gescepen ront,  Ende een stede stont daer ane, 10  Dat Lancsisen hiet, ic wane; [p. 3,116]    Ende hier laghen die viande gescaert,  Hem te weren die overvaert.  Doe toech keysers marscalc daer  Al omme tenen berghewaert naer, 15  Entie viande en wisten niet,  Dat die dinc aldus ghesciet,  Ende waenden dat die keyser soude  Op hem comen also houde,  Ende wachten sijns daer ter stat, 20  Ende en penseden niet om dat  Dat die marscalc ghetoghen was  Op den berch, sijt seker das.  Doe worden die viande daer geware,  Entie keyser trac daer nare; 25  Doene wisten si ten welken vaen,  So si den keyser wilden bestaen,  So den marscalc; nu tesen doene  Laghen daer die Florensoene  Ende oec die Ghelfe mede daer.