[p. 3,117] [Varianten Spiegel: Leuvensch Fragment.]  Wel met .ccc. man  Doe maecten si groot geruchte dan  Al offer .m. hadden gewesen.  Die viande worden doe in vresen 5  Ende worden daer of te barenteerd  So seere, dat si worden ghesconfierd,  Ende vloen alle dattere was,  Ende lieten also den pas.  Dus wan dien keyser den pas gereet 10  So datmen daer niet ne street,  Want si .ccc. ofte min [p. 3,118]    Die vanden berge togen in,  Ende daden se vlien met scanden groot.  Nu vloe dus gheent conroot 15  Te Florensen waert met haesten,  Want daer doe ten alre naesten  Ghetogen was; daer toghen si in.  Daer ontsagen si den keyser min  Dan si ten passe daden, godweet. 20  Hier sulsi seggen ghereet  Den keyser te weder stane van al;  Al hebben si voren ghehadt mesval,  Si sullen[t] wreken hier te stat:  ‘Want hi es nu in onse gewat 25  So verre comen, dat verstaet,  Dat hi van hier niet ontgaet‘.