I.
Een tafelspeelken van twee personnagien om up der dry Coninghen avond te spelen.
ghewonelicke vruecht.
Holla! Ic hadde daer bycans ghevallen.
Ic hoorde hier zo groote ghescallen,
Dus moester commen binnen ghestreken.
Comt inne, tes ghenouch ghekeken,
Ende groet den coninc, al zoet betaemt,
Sonder langhe dralen.
alwarigh voortstel.
Ic ben al te zeer beschaemt:
Doettet ghye, ghy connet al te wel.
[p. 103]
ghewonelicke vruecht.
Ba neen, ghy heet Alwarigh Voorstel:
Van u zo mueghen se zeer zijn verhuecht.
alwarich.
Neen; groetten ghy; ghy heet Ghewonelicke Vrueght.
By uwer duecht ,, veel droufheyt vergaen es.
ghewonelicke.
Ghewonelicke vruecht nu verre ghedaen es,
Midts Pieter Diertijt, die nu voor handen es,
Niet alleen hier maer in allen landen es:
Die doet ghewonelicke vruecht verdrooghen,
Soot blijct voor ooghen.
alwarich.
Willic mij dan pooghen
Te groeten den coninc van hooghen leven?
ghewonelicke.
Ja ghy, in trauwen.
alwarich.
Godt moet u groeten, heer coninck verheven,
Ende oic tghezelschap groot ende cleene.
Wy comen hier, zeer licht te beene,
Tot uwer feesten reene ,, zo ghy muecht mercken,
Om svreuchts verstercken.
ghewonelicke.
Ons simpel ghewercken
Ghewillich ontsiet hier, coninc gent1,
Wy zullen u gaen schijncken een present,
Alzo ic meene.
alwarich.
Een present?
[p. 104]
ghewonelicke.
Ja.
alwarich.
Ic en hebber gheene.
ghewonelicke.
Neen? hoe stady alzoo? wat zijdy een slurf!
Es daer niet in uwen curf?
Ic meene jaet, by ja, by neen.
alwarich.
Jaet, daer rotelt eenen pickelbeen,
Ofte eenen steen; ,, ic en weet niet watte.
ghewonelicke.
Het es een present alzo ic schatte.
Waer pleighmen pickelbeenen te draghen
Op zulcke daghen?
alwarich.
Ja, wilt dan ghewaghen
Wat dat wy brijnghen up dit saeysoen.
ghewonelicke.
Dat zal ic gaen doen,
Ter eeren dezen coninc, die de croone draecht;
Want wy brijnghen hem een suver maecht,
Die een conincghinne ooc es beseven1:
Die willen wy hem tot een present gheven
Zonder sneven2.
alwarich.
Heylaes, ic moeter om beven.
Waer es u maecht, wat stady en calt?
ghewonelicke
Men zalse hier varijnc3 sien.
[p. 105]
alwarich.
Hy goer dat zult1.
Wy zullen hier, duer u clappen en talen,
Eenen zac met schande behalen.
Maer haddy ghesweghen, ten ware gheen noot.
ghewonelicke.
Noch zegghic wy brijnghen een maecht mijnjoot2.
Rasch, wilse halen, mit uwen curf of mande,
Ende gheefse den coninc, ten es gheen schande;
Hy zalder te blijder af zijn van zinne;
Want hem wel dient een conincghinne,
Om zijnen tijt wat te vergeten.
alwarigh.
Helpt tantgapen3, tes een mespele!
ghewonelicke.
En wiltse niet eten;
Maer geifse den coninc onversaecht;
Want dit es de zelve conincghinne en maecht
Daer ic u van te voren af hebbe ghewaecht:
Nempse in dancke.
alwarich.
Bediet dees mespel ,, op den coninc snel?
Of anders, al es u ghifte schoone,
[Si es] niet weert een boone.
alwarich.
Ten eersten de croone,
Die met vijf tacken wert ghezien:
Die mach men up eenen coninc bezien,
Wanof den eersten toe mach zijn ghezeyt
[p. 106]
In alle dijnghen rechtveerdicheyt;
Den anderen wijsheyt, die eenen coninc betaemt,
Of anders en es hy gheenen coninc ghenaemt;
Den derden goedertierentheyt, dats te zijne zaecht;
Den vierden voorsienicheit; den vijften maecht1.
Dat dient eenen coninc, zo ic begrijpe,
Ende dat de mespele es bruin en rijpe,
Dat bediet, dat elc coninc ghepresen
Moet hebben een rijpe ende manierlic wesen,
Up zijn onderzaten, tallen stonden.
alwarich.
Tes ontbonden,
ghewonelicke.
Waert wel ghedaen,
alwarich.
Dat doen de zonden2.
ghewonelicke.
Tes wel ontbonden.
alwarich.
Al ons vermonden,
ghewonelicke.
Int beste wilt slaen,
alwarich.
Tes wel ontbonden
ghewonelicke.
Waert wel ghedaen.
alwarich.
Oorlof, her coninc, wy willen gaen
Als nu te desen.
ghewonelicke.
Die hoogste coninc (dats Christus ghepresen)
Wilt u, her coninc, ende al te samen
In hemelrijcke croonen. Zeght alle Amen.
1Gent, jent, lief.
1Hy goer dat zult. Zoo staet er, doch waerschynlyk moet men lezen; ei, goer, dat en zult. Goer of gorre is een oud versleten paerd; hier dus een spotnaem.
2Mynjoot, fransch mignonne.
3Helpe tantgapen. Het eerste woord is eene uitroeping, verkort van God helpe my; doch het tweede versta ik niet: misschien een scheldwoord (tandgaper?).
