[p. 256]
Ene tafelronde.
Wat manne die sijns lives es goet,Vs 1
Ende dan hevet vrien moet,
Dat hi die wapene wilt draghen,
Wilt hi dan eneghe dinc bejaghen,
5
Alles ende alles in tavelronden,5
Soe moet hi peinsen, tallen stonden,
Als hi ghewapent hout om steken,7
Dat hem dan v sloten ghebreken.
Dat ierste sloet van den viven9
10
Es dat men met reinen wiven10
Becommeren sal, ten allen tiden,
Als hi ter banen waert moet riden,
Ende die soe vaste int herte sluten,
Dat hi, mids vromicheden van buten,
15
Den werden vrouwen doet bekinnen
Dat hi een dienere es der minnen.
Dat ander slot dunct mi dit:
Als een man ghewapent sit
Op een recht doende ors van prise,
20
Soe sal hi na ridders wise
Sijn ors besluten in sinen dien,21
Ende doent vriendelike vlien,22
Beide met houwen ende met wincken.
Dat doet den werden vrouwen dincken:
25
‘God, here, wie es dese edelman?
Hets recht dat si hem doghet an,26
[p. 257]
Om wiens wille hi dus ghebert:
Van wapene moet hi sijn gheeert.’
Dat derde slot es tien stonden,Vs 29
30
Als hem sijn helm in es ghebonden,
Dan sal die edel minnere milde
Hem vaste besluten in den scilde,
Metter borst ende metten armen,
Ende dincken: ‘mochtic noch verwermen
35
Aen hare, ende mi dat mochte ghelucken,
Dus woudicse aen mijn herte drucken!’
Dat vierde slot es als ghevelt37
Dat een man ghewapent helt,38
Ende met hem soe verre es comen
40
Dat hi heeft sijn spere ghenomen,
Soe voeghi sine arme aen de borst,
Ende slute sijn spere in bider vorst,42
Dat an den scilde blive gheacht,43
Als oft uten scilde stonde ghewracht,
45
Ende houwe dan daer, met snelder vaert,
Al dinckende of daer stonden ghescaert
Die sinen vader hadden doot.47
Wat segghen dan die mondeken root,
Die daer houden in beiden ziden?
50
‘Halt an! halt! ende laet henen riden50
Die der minnen dienere es!’
Dies sijt seker ende ghewes.
Dat vijfste slot dats dbeste,
Dat hi slute ende beveste
55
Sijn spere aen sijns ghesellen helm,
Dat hi niet te vergheefs den dwelm56
En doe scinen doer de vrouwen.
Ic segghe u dat, in goeder trouwen,
[p. 258]
Beslut hi hem in dese vijf sloten,
60
Sijn sanc die wert van selker noten,
Savens als hi vore sal singhen,
Dat men om hem te siene sal dringhen;
Want men sal hem willen kinnen;
Oec mach hi hopen goeder minnen.
Uit het HS. der Bibliotheca Hulthemiana, no 192.
J.F. WILLEMS.
Vs 1Die sijns lives es goet, die goed van lyf, die sterk is.
5Tavelronden, tournooyen.
7Hout om steken, staet om het steekspel aen te vangen.
9Sloet, voor slot.
10Dat men, beter ware: dat hi hem.
21Dien, dyen, beenen.
22Vlien, vlieden, loopen.
26Hem doghet an, hem gunstig was, hem gunde wat deugd doet.
