Cap. 15.
¶ Va(n) clievi(n)ge)n) va(n) lippe(n) of bleine(n) of vlagingen6).

Dits van dat die lippen clieven.+ het gevalt menechwerf dat groene+

humoren van scarper coleren ten lippen (lopen). waerbi dat si vlaen of bleinen. ende dat met hitten. Ende daer toe es dit experiment naturael omme te drogene entie hitte te coelne. entie bleinen entie vlagingen. ¶ Nemt dragant. amidum. peniden van witten sukere. van elken even vele. ende dit pulvert te gadere in enen mortier herde wel ende dan so temperet met rose watere alse .1. sauce. ende daer met so smert die lippen vorseit. Of smertse met oliën van rosen. ¶ Of nemt sumac. scalen van nokernoten tasscen gebernt. ende pulver van porceleinen wortele elx even vele ende minget met gescuumden zeme. Of bernet die scalen ende gadert die olie diere +uut comt. dits oec goet daertoe. ¶ Ende en wil die clove hier met niet genesen. so bescoutse toten bodeme met goude1) en daerna so heilt die wonde.