[p. 157]
83.
Ick wil my gaen verhueghen
verblijden minen moet.
(Ps. XXXVII)
1.
Ick wil mi gaen ver - hue - gen
ver - blij - den mi - nen moet
ende doen na mijn ver - moe - gen
al valtet mi te - ghen spoet
Vrou Ve - nus bloet
dat is van dier na - tue - ren,
is 't quaet, is 't goet,
die mint, die moet be - sue - - - - - - ren.
2.
Die fiere nachtegale
Singt een so huebscen sanck.
Mocht ic mijn lief betalen
Al in haer armkens blanck
Sonder bedwanck
So soude ic met vruechden leven;
Alle mijn leven lanck
Waer alle mijn druc genesen.
3.
Reyn lelijcken utghelesen
Doet u ootmoedicheyt,
Laet mi u dienaer wesen,
Aensiet mijn bitterheyt,
Weest wel bereyt.
Wilt mi ut minnen ontfanghen,
Doet mi bescheyt
Daer na staet myn verlanghen.
4.
Schoonder rose van minnen
En heb ic noeyt ghesien,
Si staet int herte van binnen
Die schoone van melodien.
Wilt tot mi vlien,
Wilt mi ut minnen verwachten,
Doet mi bescheyt,
Om u dole ick bi nachten.
5.
O radt van avontueren
Wildy niet omme slaen?
Mach mi geen troost gebueren
Dat cost mi menighen traen.
Laet mi ontfaen
Reyn bloeme ghepresen
Een troostelijc woort,
So waer ick gans ghenesen.
6.
Nu hoort, ghi jonge gesellen,
Eer ghi dat minnen begint,
Vrou Venus sal u quellen
Met woorden gelijc den wint.
Eer ghi beghint
So hoort na mijn prologen,
Aensiet dat eynt,
So en wordy niet bedrogen
7.
Die dit liedeken dichte
Oft eerstwerf heeft gestelt
Vrou Venus was zyn nichte,
Met haer was hi ghequelt,
Sijn vruecht versmelt,
Hi leeft in groten trueren,
Daer om hi queelt
Si en mach hem niet gebueren.
ANTWERPSCH LIEDBOEK 1544 NO. CI
Een nyeu liedeken.
[p. 158]
Einde der 15de eeuw Berlijnsch Hs. (Bäumker, Vierteljschr. f. Muswiss. 1888 314). - Voor 1524 ‘Ick wil my selven troesten end maken enen moet’ Lb. Anna v. Köln (Bolte, ZsfdPh. XXI 138). - 1537 Weimar-Hs. nr. 9. - 1539 Dev. prof. geestelijk nr. 7, 104, 157, bll. 84a 131, 133, 135. Andere geestelijke omwerkingen van Duyse III 602 vv. - 1565* Ecclesiasticus nr. 17. - 1569 † Veelderh. fol 146b. - 1574 Niederrheinische Lhs., Euphorion IX 286. - Tweede helft der 16de eeuw Brusselsch Hs. (Priebsch, ZsfdPh. XXXIX 172). - 1618 † Soetjen Gerrits nr. 22. - Na 1706 Boerenlietjes heeft een melodie, waarvan de titel overeenkomt, maar die niet verwant is, ‘Ick wil my gaen vergeven’.
*Deze noot ontbreekt in 2, en staat tweemal in 3.
