Van Brabant die excellente cronike

[Bijlage: Transcriptie van de uitklapbladen van fol. 51r (eerste deel) en fol. 4r (tweede deel)

[Transcriptie eerste deel Stamboom: fol. 51r.

¶ Die sancten oft heyligen inden tijde vanden princen ende hertogen van brabant, is te weten, dat die heyligen die vander coningen oft hertogen geslacht sijn ende oeck dander die in brabant gewoont hebben in ronden circkelen staen Maer dander niet


¶ Den boom oft linie der hertoghen van Brabant


¶ Die iaren der geboorten ons heeren Jhesu


¶ Den boom of linie der coningen van vrancrijcke.

Sinte Hilarius Sinte Martijn Sint Jheronimus Sint Ambrosius Sint Jan guldemont. Sint Anthonijs


Ansises coninc van argrippinen ende wert ten eynde kersten etcetera.

¶ Dese Ansises was die .xij coninc van Agrippinen afgedaelt van brabon, die bi Julius cesars tijt gemaect was eerste coninc van Agrippijnen, ende marcgraue van Rijen oft sheylichs rijcx die vanden troyscen geslachte was. want zijn vader Franchio oft Francus was here van Sicambrien in Pannonien ende was die .xxxvij. afgedaelt van Hector van Troyen.

ccc lxxx


Priamo hertoge vanden fransoysen. v jaren

¶ Dese Priamus met sinen nacomers heeft sijn afcomst van Franchion Hectors van Troyen soon Ende hi was hertoge vanden troyanen die woenden tot Sicambrien in Pannonien dat es nu Hongherijen. Ende mits den voorscreuen Fra[n]cion ende ooc om haer vromicheyt heeten si francken: dats in griecsche te seggen vry oft coen. Ende quamen na met mercomirus opten rijn wonen. Ende priamus wapen was van den bloede van troyen:/ enen scilt van goude. daer in eenen leeu van kele tongen ende clauwen van lasuer

Sinte Augustijn Sinte Germayn van Auisoyre Sinte Nichasius Sinte Geniuiua


bruederen ende suster

Mercomijrus hertoghe van den fransoisen opden Rijn xxxiij jaren

Sint seruaes sinte Lupus bisscopSint Auianus biscop Torliens sint vrsule met .xiM. maechden
voraye: man, ende wijf: Hym; [kinderen] S. Reynaut, Rogier, Oliuier, Adelaert

¶ Dit sijn die iiij. Hyms kinder. die niet en leefden bi grote coninc Karels tiden, maer si waren wel CCC. iaren voor hem Si waren in tide van coninc Kaerlen van Agrippinen haren oom, metten welcken si orloochden op die Hunen ende Goten.

Brabon deerste kersten prince vanden lande tusschen Mase ende Scelde dat welc na hem gheheten is Brabant. li jaer
Kaerle, coninck van agrippinen
ccccxx


Pharamont deerst coninc vanden Fransoysen opten Rijn. xi iaren

Clodyus coninc opden Rijn ende in gallien xviii. jaren

¶ Dese coninc Clodius met sinen volcke creech Doringhen ende tconincrijck van Agrippinen ende alle tlant van opten Rijn totter Schelden toe ende voort totter Sommen ende totter Loyren, ende versloech alte veel Romeynen

brabon die ij^e prince van brabant lx jaer.

meroueus conynck .x. jaren

hildericus conynck xxvj. jaren

¶ Dese .iiij. coningen droegen tot haren voorscreuen wapen van Troyen eenen scilt van goude met drie padden van zabelen. Welcke wapen si wonnen op die coningen ende princen die in Gallien waren dye si versloegen, ooc verdriuende die Romeynen.

sinte Remijs eertsbisscop van riemen Sinte Benedictus, Sint Gre[gorius paus] Sinte sigismundus coninc van bourgognen. Sint Moor Sint Germayn v[an Parijs] Sint Vedastus bisscop Sint Lenaert Sint Amant Sinte [Baue]


brabon die derde prince li jaren


CCCClx


Clodoueus dierste kersten coninc van vrancrijck. man ende wijf: Sinte cloteldis coningin

¶ Item als Clodoueus noch heyden was: so hadde hi van eenre concubinen enen sone die Dierick heet, hi werdt coninc van Germanien oft oostvrancrijck. ¶ Na dat coninck Clodoueus den coninc van Almanien inden strijt verwonnen had[de: ende dat] lant hem onderdanich gemaect had, so wert hy in cristum gelouende. bi ra[de ende on]derwise van sijnder coninginnen sinte Clotildis, ende wert te Riemen gedo[opt van sin]te Remijs eertsbisscop Als dat geschiede, so bracht daer een schoon [witte duue] wten hemel voor al dat volc een cleen fyole metten heyligen crisma, [daer mede] sinte Remijs den coninc sacreerde. Dits de heylige ampulle die noch te [Riemen is] bewaert in dabdije van sint Remijs. Ende hier mede tot noch toe wor[den die conin]gen van vrancrijck gesacreert na die tijt macht hebbende eenrehande [siecten te ge]nesen van geswelle somen dagelijx siet Item ooc so wert namaels [desen coninc] Clodoueus van eenen heyligen heremite bracht dye oryflamme die hem [een yngel] bracht: dats een vlammich cleet den lazuer wat gelijc. besayt met [gulden lelien] om sijn wapen voertaen te sine ende victorie daer mede te hebben. M[aer lange daer] na hebben die coningen aengenomen alleene drie lelien.

[Transcriptie tweede deel Stamboom: fol. 4r.

broederen: Lodowycis coninc stelde sinen stoel tot orliens
Sinte Clodoaldus confessoer ende prister

Sinte Radegundis coninginne ende maeghet ende wert religiose
Lotarius dyerste coninc van dyen name li jaren

Dese lotharius trouwede na radegundis een vrouwe genoemt Aregundis daer af had hy coninc chilpericus daer na troude hy lugundis daer af had hy [Sinte Guntrammis coninc sterf sonder oor]

Karleman prince op haspegouwe

v^clxx
ghebroederen: Sinte Guntrammis coninc sterf sonder oor
C[hilpe]ry(c)us [conync] xxiij [jaren], man ende wijf: Sinte galsiunda conynginne

N[ae die doot van sinte gal]si[unda. nam coninc Chilperick te wiue Fregunden. daer af so had hi den groten lotharis.]

Sinte [Me]d[ardus biscop] Sinte [gilardus bisscop]

Amelberge. pipins suster:

Sinte amelberge haer man hiet: witgeer: sij hadden dese v. heilige kinderen: Sinte goedele maghet; Sinte reynelt maget; Sinte Pharelt maget; Sinte venancius. Sinte emebertus biscop van camerijc

S. truyt priester neue
Sinte Pipijn van landen: eerste hertoge. van brabant ende lothrijc .xxx. iaren; man

¶ Wt dezen yrsten hertoge pippijn ende sinen geslachte zijn gesproten so veel edele ende heilige personen / Ende bisonder so veel edel coningen ende princen die op de heiden ende anders grote victorie hadden / dat men van sulcke geslachte in ghenen historien en vint Sijn wapen was enen scilt van zabelen daer in enen leeu van goude / tonge ende clauwen van robijne

; ende wijf: Sinte ydeberte: oft .Jtte
broeder ende susteren: [waarvan S. Jtte er een is:] Sinte modoaldus erdsbiscop te triere Sinte seuera Maget
de iaren ons heeren .vj^c.xv


Lotharius die grote coninc xliiij iaren

Sinte Jsidorus bisscop ende leraer Sinte Eloy bisscop Sinte Aubert bisscop Sinte Joos

Sinte blitildis haer man was eerste marcgraue [kinderen:] Sinte Ferreolus Sinte arnout .ij.^e marcgraue Sinte tercicia. maget Sinte modericus


Sinte oede wijf; ende man : [Sinte arnout, ije marcgraue, links hiernaast genoemd],
[Sinte Bathildis, coninghinne, rechts genoemd, en Sinte Oede, links genoemd, waren] susteren,
Sinte dagobertus Coninc. .xiiij.; [vader van 2] broederen: Sigisbertus coninc van oostrijc of oost vrancrijc; Clodoueus. ij^e. coninc

Na dese twe coningen regneerden noch .x. coningen in vrancrijc, te weten Lotharijs Hilderic Diederic clowijs Childebert Dagobert Lotharijs Chilperijck Diederijc Hilderijc Bi welker coningen tiden die hertogen van lothrijc oft brabant die crone van Vrancrijc regeerden ende beschermden, want die coningen al meest onbequaem waren in groter weelden leuende, de crone dragende sonder sorge. So wert biden versuecke vanden Fransoysen /ende bi consente ende beuele vanden paus Zacharias de leste coninc. Hilderic als onorboorlijc afgeset ende hi wert gesteken int clooster van sinte medardus tot Soyson Ende cleen Pippijn hertoge van Brabant die seer vroom ende deuchdelic was wert coninc gemaect met sinen nacomers ende wert gesacreert met sijnder vouwen Bertraet van sinte Bonifacius onsen heyligen vader den paus

man ende wijf: Sinte bathildis, coninghinne.

gesusters van Sinte geertrui geslachte Sinte aldegunde maget; man ende wijf [dus gehuwd met] Sinte woutruijt; Sinte vincent graue van henegouwen confessor


[kinderen Pippijn van Landen en St. Itte, dus:] broeder ende susteren: Sinte grimoaldius .ij.^e hertoghe: Sinte geertrude maget Sinte Begge hertoginne
[zoon St. Arnout ij en Sint Oede:] Sinte arnout iij.^e marcgraue na bisscop: van mets man ende wijf: Sinte doda [kinderen, die waren dus] ghebroederen; Sinte clodulphus. bisscop. van mets:Walcisus; angijs. iiij^e. marcgraue. etcetera. man

die wapen van desen angies ende vele sijnre nacomers was een schilt van siluere. daer in een leeu van goude; tonge tanden clauwen van kele

ende wijf: [Sinte Begge, hertogin, zie hiernaast]

Sinte berlendis maghet Sinte ermelindis maget. Sinte reinoffle maget


Pipijn van herstalle. iij^e. hertoge: ende .v^e. marcgraue. man ende wijf: Sinte Plectrudis
[zoon van Walcisus:] Sinte Wandergrisilus

Beda die eerweerdige leeraer Sinte Willibroort bisscop Sinte Goric. Sinte Cunibertus, eertsbisscop Sinte Lambrecht. Sinte Hubrecht Sinte Gielis Sinte Bonifacius

In deser tijt wert Almanien bekeert totten gheloue Christi bider predicatien van sinte Bonifacius

[Kinderen st. Pepijn van Herstal en Plectrudis:] broeder ende susteren: Sinte libuinus confessor Sinte Notburgis maghet Sinte grimoaldus martelaer.
Die vrome victorieuse kaerle marteel. iiij.^e hertoge
broeder ende suster: Sinte landrade abdisse Bernaert ([en diens zoon] Sinte Alaert Abt) Sinte remigius. eertsbiscop te rouaen confessor
vij^c.xv

Hier begint dat ij^e. edel geslachte de[r] coningen van vrancrijc: Op pipijn die cleyne v^e hertoge ende eerste coninck van d[i]en edelen geslachte: regneer[de] .xxx. iaren: man ende wijf. Sinte bertrada. oft berte coninginne

Sinte kaerle de grote: keiser. coninc: ende hertoge xliiij. iaren man ende: wijf: hildegardis conincghinne: ende keiser Eraclius dochter

¶ Die grote coninc Karel was opgevoet tot herstale in brabant gelijc zijn voor vader Ende wert coninc ende hertoge na coninc pippijn sinen vader Jnt iaer ons heren .vij. C lxvij. Ende als Tulpijn die aersbisscop van Riemen bescrijft so was hi wel gemaect van lede recht gaende, ende hi was viij. sijnre voeten lanc die seer groot waren, ende zijn voorhoot was eenen voet lanc, ende hi had leeus oogen glijsterende als carbonckele Sinen baert was enen voet lanc. hi was so sterc dat hi .iiij. hoefyseren brack teenemael met sinen handen. Hi was wel geleert ende hi conste veel vreemde talen, ende seer deuoot was hi den godliken dienst oeffenende. hi stichte .v. bisdomen, ende so veel cloosteren alst letteren sijn inden AB. Ende elken clooster gaf hi een gulden letter seer swaer van goude Ontellike veel aelmissen gaf hi in allen landen Sijn huysghesin was so eerbaer dat sijn hof scheen een deuoot clooster te zijn. Ende seer gemint ende ontsien was hi alle de werelt dore Eerst trac hi in Aquitanien, dats in Gwienne ende gasconien stellende daer bisscopen, abten prelaten ende grauen, ende lodewijc sijn sone maecte hi dair af coninc Ende hi trac opten coninc van Lombaerdijen viant der heyliger kercke, die hi verwan Ende hi maecte Jtalien ende Lomberdijen sijnder cronen onderdanich, ende hi track tweewerf te Rome deuotelic. ¶ Jtem hi trac op de Sassen ende bekeerdese tot Christum selue prekende dat geloue, ende op die Huynen die hi verwan ¶ Karle trac met groten heyr door dat Bulgeren wout ende hi suuerde dat lant vanden Sarasinen daer toe eerst versocht sijnde vanden keyser van Constantinoplen. dair bloeyde die doornen crone ons heeren in sijn handen ¶ Jtem Kaerle maecte Liederic van Harlebeke den eersten foreestier van Vlaenderen, om dat woeste lant te regeren ¶ Kaerle track dicwils in spaengien met groten heyr op de onghelouigen ende hadde wonderlicke grote victorien also dat bescreuen staet in sijn historie ¶ Noch is te weten van desen coninc Karele dat hi weder te Romen trac metten paus Leo die de romeynen verdreuen hadden ende hi stelden weder in sinen stoel Doe wert coninc Kaerle ghecroont roemsche keyser op den heyligen Kersdach. Een dinck is te verwonderen van desen wtuercoren man dat hi in alle desen tempeesten ende tegenheden ende voorspoede hem also gedragen heeft in woorden in wercken dat hem niemant en conde begripen Ten eynde starf hi ende wert begrauen tot aken. Vele tekenen geschieden te voren inden hemel

Die iaren ons heeren .viij^c.xv

Lodewijc die eerste geheeten die goedertieren. Keiser. coninc ende hertoge

¶ Dese lodewijc verloste Rome ende Jtalien vanden ongelouigen mit groter macht. Jn zijn tide sachmen alte vreesliken comete, die Lodewijc siende seyde Wi sijn al schuldich te louen die goedertierenheyt gods

[zonen] ghebroederen:

lodewijc die .ij.^e coninc van germanien anders oost vrancrijc
lotharius. keiser. .coninc. van lothrijc: ende begaf hem ten eynde in een clooster
kaerle die ij^e. geheeten de caluwe. coninc van westvrancrijc: ende hertoge. int eynde keiser xxxiiij.

¶ Kaerle de caluwe fundeerde ende repareerde veel kercken Jnt iaer .viijC. lxiij maecte hi den eersten graue van Hollant.

viij^c.l.

Sinte wijbert van gemmeloers
[kinderen, dus] broedere ende sustere: Kaerle die ionge keiser .ende coninc van germanien anders oost vrancrijcke. Karleman .coninc. van germanien: ([zoon:] aernout keiser ende coninc van germanien.) Sinte Veroen. Sinte Verone.
[zonen, dus:] broederen: .lodewijc die ionge. keiser sterf sonder oir lotharius .coninc. van lothrijc
broeder ende suster .judith. grauinne van vlaendren. hier af sijn gedaelt die grauen van vlaenderen ([gehuwd met, dus] man ende wijf: boudewin eerste graue van vlaendren gemaect van coninc karle de caluwe.) .lodewijc die .ij^e. geheeten de lisper. coninc van vrancrijc .ij. iaren.

¶ Jnder tijt van desen coninc Lodewijc so verdoruen die ongelouige noorwegers ende denen veel landen, als opten rijn Brabant Vlaendren Picardien ende voort in vrancrijck daer si wederstaen worden ¶ Omtrent middage so verduysterden die sonne datmen die sterren sach.

viij^c. lxxix

.kaerle die .iij.^e gheheeten die simpele. coninc.

¶ Coninc. lodewijc sterf achterlatende sijn coninginne beurucht met kinde, dat na geboren wert ende hete Kaerle die simpel. Ende want dye normannen weder met macht in vrancrijck quamen als Kaerle noch een ionc kint was, so regneerde in Vrancrijck ende Lothrijc in des kints stede Kaerle coninc van germanien ende keyser die des kints outs oom soon was Ende insgelijcx na hem die keyser Arnout des kints neue Ende onder dat selue decsel so regeerde ooc daer na de graue van angouwe in des kints stede, maer als Kaerle te manne comen was, so regneerde hi selue als coninc. Daer na wert hi bedriechlic geuangen ende sterf int prisoen tot Perone, achterlatende eenen soon die Lodewijc die simpele heet Ende sijn moeder dye coninginne nam haer kint ende vloot in engelant, ende int kints stede namen die Fransoysen Roelof van Bourgondien Richaerts sone die .xiij. iaren regneerde. Daer na so haelden si weder Lodewijc haren coninc in Engelant

Otte die ij^e. keiser Sinte bruno eerdsbiscop van colen

Sinte adelheida oudermoeder van hertoge karele

lodewijc. die derde geheten die simpele coninc; man ende wijf: geerberga conincginne seer heilich


huge die grote graue van parijs man ende wijf heilwijghe.

[kinderen, dus] broederen ende suster: kaerle hertoge van lothrike ende brabant lotharius coninck ([zoon:] lodewijc de .iiij^e. coninck) kaerle hertoge van lothrike ende brabant lotharius coninck ([zoon:] lodewijc de .iiij^e. coninck) hildegont grauinne van hollant haer man was graue dieric de ij^e.

huge van parijs. graue, na coninc van vranckerijke

Hier begint die .iij. genealogie oft geslachte der coningen van vrancrijc Ende hertoge Karel van Lothrijc ende brabant die naeste erfgenaem was vanden iij. coninc. [Lodewijc] zijns broeders soon wert met sinen oor onterft vander cronen bi Huge capet, welcken sinte walerijc openbairde seggende dat hi met sinen geslachte die crone van vrancrijck besitten soude want hi die reliquien van sinte walrijc ende sinte Riekier wederbracht had tot haer rechte stede Ooc seyt die heylige scrifture, dat god die coni[n]crijcken stelt ende overset, in wiens handen zijn alle rechten der conincrijcken Niet te min want de crone op geen dochter versteruen en mach, al hadt dan karel die crone gecregen, so en hadt dat niet vord mogen gaen dan tot hertoge Otte karels sone die sonder oor sterf

[kinderen kaerle, hertoge van lothrike ende brabant, dus] susteren ende broedere:

Sinte ancelmus biscop van cantelberge
Ermegaat grauinne van namen
geerberga grauin van bruesel ende louen

Hier beghint die linie vanden grauen van louen ende bruessel Ende [is] te weten dat na die doot van hertoch Otten Karels sone Gerbergen sijnder suster ende haren oore afgenomen wert dat hertochdom van Lothrijck ende een deel van Brabant.

Otte hertoge van lothrijc ende brabant hi sterf sonder oir

Henric doude grave van bruesel louen ende marcgraue

robertus coninc van vrancrijc heilich

[kinderen]

Machtelt
lambrecht graue. etcetera. hij troude oeden dochter van lothrike

Sinte wide van anderlicht confessor die eerwerdige wonedulphus deken van anderlecht Sinte bernaert abt
Eustacius graue van bolonien man ende wijf: Sinte Yde; haer broeder was godeuaert metten bulte hertoge van lothringen.
henric graue van louen bruesel ende marcgraue.


.M.xl.


heinric coninc

[zoons, dus:] broederen Boudewijn. van bulion coninc van ierusalem godeuaert van bullion marcgraue. na coninc van ierusalem
henric graue ende marcgraue


M.lxxxv.; .MC


philips deerste. coninc

broederen

godevaerd metten baerde hertoge van lotrijcke van brabant ende marcgraue sheilich rijcs
henric graue van louen

lodewijc geheten die groue. v^e coninc

godeuaert. ij^e hertoge
boudewijn van henegouwe [verbonden door lijn met Ermegaart grauinne van namen]

lowijs geheten de ionge. vj^e coninc man ende wijf: adela coninginne van grote kaerls afcomst

godeuaert de .iij^e. hertoge van lotrike van brabant

met dezen godeuaert de ionc in die wiege ligende hangende aen eenen boem cregen de brabanters victori

philips de .ij^e. geheeten de vermeerdere. coninc; man ende wijf

bonifacius de deuote biscop van losanen Sinte lijsbeth va[n] dueringen Sinte marie van oygnies maget meester iacob van vitri biscop cardinael novai te oygnies
[broer van Henric:] aelbrecht biscop van ludic marteler
henric die eerste hertoge van lothrijx van brabant ende marcgraue


MCC


lodewijc de .vij^e. coninc van vrancrijc man ende wijf: Sinte blancke conincginne
karele. coninc van sicilien graue van angiou [zoon:] lodewijc die minrebrueder biscop van tholouse

M cc ende xxvij


Sinte lodewijc coninc van vrancrijc die viij^e

Sinte lodowijc eenen spigel alder duechden track ten heyligen lande daer hy veel heiden bekeerde. hi wan Cesarien. Joppe Sydon Achon etc. Hi wert geuangen ende leedt veel om gods wille. Jtem weder comen zijnde track hi in Affriken om te bekeren den coninc van Thunes daer sterf hi. Sijn soen philipus dwanc daer na den coninc van thunes Ooc track hi daer na op die Arogonoyse ende verwanse etcetera.

Aernout die devote conuers te villers Sinte Yde van louene.


henric de .ij.^e hertoge van lothrijc ende brabant hiet grootmoedige

Hertoch henrijc nam aen dese wapen den leeu van goude int velt van zabel hi track op dheiden ouer zee Ende hy was sere victorioes

gebroederen

sint magrietken van louene maget


Henric de derde hertoge geheeten de saechtmoedege

Henrijc die iij stichte dat closter der predikaren te louen ende zijn vrouwen tcloster van tshertoghen Dale by oureghen .etcetera.

Peeter graue van alenson
Philips de iii^e. geheeten die coene coninc
Robrecht graue van Clermont

Sinte Yde van niuele Sinte Yde van leewe nonnen


ian de eerst hertoge van brabant. lothrijc limborch

Dese hertoch creech thertochdom van limborch van versterfte ende dede sijn wapen quatijren Tegen die rijnsce heren orlochde ooc hertoch. Jan daer hi den strijt te woronck wan. daer verslagen was dye graue van hutzenborc mit iij broeders ende veel M. ridders Ende daer bleuen gheuangen die aersbisscop van colen dye graue van Gelre dye graue van Nassau. die graue van Muers ende veel ander heeren.

broederen ende Suster

margriete keiserinne des goeden keiser heinrics huyswijf
ian die ij^e hertoge


M cc.lxxxv
lodewijc graue van euereux; [dochter:] Marie
philips die .iiij.^e geheeten die scone. coninc

Dyen strijt voor Cortrijcke gescyede int iaer MCCC. ende ij. dair die gemeente van vlaendren versloech met groter moet de blome wt vrancrijcke piccardien henegouwe. Ende dat bi groter scattinghen van coninc philipus wegen die scone gedaen wert Maer namaels quam coninc philipus met grooter macht selue op vlaenderen ende tusscen Rijsel ende Duwaey hyelt hyse staende in die hitte der sonnen tot dat si van dorste schieden ende soe worden sy ghemattert.

kaerle graue van valoys

[zoon van Filips IV] lodewijc die ix^e. coninc. [dochter] iohanne coninginne van nauerre

Jan coninc van behem
Jan die iij hertoghe gheheten van coudenberge victorieux ende vroom [gehuwd met Marie, lodewijc graue van euereux dochter]

hertoch ian die iij orloechde teghen xvi lantsheren die hi al scoffierde ende versloech .xv.M. ludikers.

kaerle de .iiij.^e geheeten die schone. coninc. [zuster:] ysabelle coninginne van englant
philips die v^e. geheeten die lange .coninc.
[zoon van Karel van Valois:] philips de vj^e. coninc. geheeten van valoys. man ende wijf: iohanne van burgondien heilich.

In desen tijden was grote orloghe te lande ende te water tusscen coninc philipus van valloys ende coninc Eduwaert van engelant die iij ter causen van normandien Ooc woude coninc Eduwaert der cronen naerder zijn van zijnder moeder wegen dan coninc philipus die van manlijcken oore comen is die naeste was wantse op geen dochter steruen en mach Den strijt bider sluys geuiel int iaer M.ccc xl op sinte Jans auont daer soe veel volcx verslagen was meest deel fransoysen, want denghelsche hadden victorie dat die zee lange root was vanden bloede.

M.ccc.xxx.

[dochter Filips V de Lange:] margriete van burgoingien grauinne. wijf; ende man: lodewijc van nyueers graue
[zoon Filips VI van Valois:]

[zoon Margriete en Lodewijc van nyueers:] lodewijc van male, graue van vlaendren man ende wijf margriete van brabant grauinne van vlaendren


ian die goede. coninc van vrancrijke

[zoon Jan de Goede] philips van burgoingen geheten le hardi man ende wijf:margriete grauinne van vlaendren ende artoys [dochter Lodewijc van Male]
[zoon Jan de Goede] ian hertoge van berri ende van aluernen
[zoon Jan de Goede] karele de v^e. coninc van vrancrijc hiet de wise
[zoon Jan de Goede:] lodewijc hertoge van angiou coninc van cicilien

hun zonen [onder en links], dus: broederen
[AD] Jnt Jaer .M.CCC.lxxij. streden de fransoysen op die Vlamingen te Roosbeke
[zoon karel V]
[zoon Karel V]

Anthonijs hertoge van brabant .ij^e. sone philips le hardi

Anthonis van Bourgoingen wert hertoge na de doot van vrou Johanne sijn oude moye Hy was vroom ende een goet iusticier, hi wan dlant van lutzenborch, hi wert verslegen van coninc Henrijc van engelant inden strijdt mit den graue van Nyuers sinen ioncsten bruedere met veel eedel heeren fransoysen, die alleen die eere wilden hebben vanden stride

Jan hertoge van bourgoingen. graue van vlaendren jerste sone
Philips graue van nyvers .iij^e. sone


Kaerle die vj^e. coninc van vrancrike
lodewijc hertoge van orleans

Jan de .iiij^e. hertoghe

Jn hertoch Jans tijden trocken de Brabanders voor Breyne mit philips den ruwaert, ende mit lxv.M. mannen in Henegouwe, ende si wonnen dye stadt Hertoch Jan hadde veel orloghen in Hollant ende in Henegouwe om vrou Jacoba.

Jan graue van nyuers van bethel van stampes
M.ccc xxv
Kaerle die .vij^e. .Coninc. van. vrancrike

¶ Kaerle die .vij. coninc creech weder een deel van vrancrijc bi behulp van eender maecht, dat Dengelschen gewonnen hadden Ende na den peys van Atrecht mit hertoge Philips, creech hi ende sijn sone Normandien.

kaerle hertoge van orleans

[voorgaande en deze:] broederen Philips deerste hertoge

[kinderen van Jan van Bourgondië, dus:] susteren ende broeder

Philips de vrome en victorieux. de ij^e hertoge van brabant van bourgungen

Philips hertoge van Borgongien, graue van vlanderen, was seer victorioeus Al eer hi hertoge van Brabant was soe orloochde hi lange mit coninc Henrijc van Engelant tegen coninc Kaerle van vrancrijc die .vij. ende had veel victorien Te brouwershauen wan hy den slach tegen Dengelscen Na Jan, philipus hertoch Anthonis zijns oems kinderen wert hi hertoge van Brabant ende Limborch. Na vrou Jacoba wert hi graue van henegou Hollant zeelant. Hi had eenen strijdt voor Gauere tegen die uan Gent .anno .M.iiij.C.liiij. Hi dwanc die Ludekers, en[de] wan Dynant met Kaerle sinen sone, dwelck ghedestrueert wert

Agnes hertoginne van bourbon Marie hertoginne van cleue

lodewijc de x^e. coninc van vrancrike

kaerle die .ij^e hertoge man ende wijf bi dispensacien [met ‘ysabelle’, kolom rechts]

Hertoge Karel Philipus sone was een vroom prince Noch sijnde graue van Charloys in sijns vaders leuen had verbont gemaect mit al den meesten heeren van vrancrijc tegen coninc Lodewijc Ende hi track in Vrancrijck ouer die Seyne te Montherry daer hem coninc Lodewijc bevacht daer hi nalijcx bleuen was, maer hi behielt dat velt door die vroomheit der Brabantscher heeren, als Parwijs, heer Jan van Bergen die den standaert ophief. Hi wan dlandt van Ludic ende Loon Hi orloochde op de zwitzen dair hi bleef verslagen Jnt Jaer M.CCCC.lxvi.

[zoon en dochter van Agnes van Bourbon] broeder ende suster die hertoge van bourbon van aluernen [dat is Jan II] ysabelle; [zoon van Marie van Cleve] Adolf heere van rauesteyn
Des grauen dochter van nyuers; man ende wijf; [zoon Marie hertoginne van Cleve]:Jan hertoge van cleue


Kaerle de .viij^e. Coninc

marie hertoginne man ende wijf [dus gehuwd met] ¶ maximilian eerdshertoghe van osteryc na roems coninc keiser frederics iij^e sone
[zoon van Adolf] Philips heere van rauesteyn
[zoons, dus] broederen: Jan hertoge van cleue Engelbert graue van nyuers [Nevers] ende van eu.


[Lodewijc de xi^e coninc van vrancrike]

Philips de iij^e hertoge man ende wif Johanne des conincx van spaengien dochter

Coninc Philipus maxilianus sone, was een payselic prince seer ontsien. Hi track .ij. werf in Engelant ende ij. werf in spaengien, ten eersten duer vrancrijc Jnt wederkeren maecti den peys van Napels ende doe keerdi weder in sijn landt comende duer hoochduytschlandt Ten tweeden track hi te water na spaengien daer hi cortelinge sterf in de bloeme sijnder ioncheit Jnt Jaer .M.CCCCC ende vi. den .xvi. dach in Septembri

[kinderen, dus:] broeders ende susters

fernand

Ferdinandus had te wiue de dochter van ungarien Katherina

Katerina van Portingale

kaerle de iij [Karel V, maar de derde van Brabant]

Karolus die alder onuerwinlijcste Keiser heuet .ijwerf geweest in spaengien. die tweede reyse comende wt spaengien, wert hi tot Bononien Keyser gecroont, ende had te wijue des conincs dochter van Portingale, daer hi den rijcken van Spangien orige ende erfgenaeme af gelaten heeft

leonora

Leonora had te manne den coninc van Portingale.

elizabet

Ysabele van Denemarc.

marie

Coninc Franciscus van Vrancrijck deerste van dien name.