Commentaar op het Hooglied

(1975)–Anoniem Commentaar op het Hooglied– rechtenstatus


III Hoe Gods minne anden mens\che bleef ende makede vrede tot MArien AL had die mensche gode ghelaten Ende daelde in des duuels straten Nochtan en woude god niet begheuen Den mensche. mer is bi hem bleuen 5[regelnummer] Mit ghenaden ende mit minnen Ende liet hem seluen een deel kinnen So dat bleuen die oude vadre An sinen dienst te gadre Adam. abel. ende seth 10[regelnummer] Dese hadden hem te gode gheset Dair na enosh die began Eerst gode te roepen an Dair na enoch wart ghevurt Int paradijs dair hi noch duert 15[regelnummer] Dair na was god mit siinre hoeden Ende bescudde noe den goeden Dat hi int water niet en verdarf Doet al uander diluuien starf Sonder noe ende dat mit hem was 20[regelnummer] Binder arken doe ghenas Dair na mit sem. eber tharen Was god. ende mit abraham twaren Die louede hi dat bi sinen sade Dat volc vinden soude ghenade
[Folio B2va]
25[regelnummer] Dien vant hi ghelouich ende wair Dien benedide hi dair Ende hieten al die manne besniden Die hem toehoirden tien tiden Ende makeden uan goede so rike 30[regelnummer] Dat nieman doe was siin ghelike Dair na was hi mit ysaac Dair na an iacob hi hem trac Die israel ooc was gheheten Xij kinder had hi als wijt weten 35[regelnummer] Dair iudas of was die meest Want hi uan hem coningen leest Joseph was dair een ghenant Die in egipten was ghesant Bi wien dat iuedsche diet so wies 40[regelnummer] Dat pharao sochte hair uerlies Dair na moyses gode becande Inden doirne die dair brande Sonder deren als hijt vernam Macht uan gode hem dair anquam 45[regelnummer] Bi wien hi dair na scier verloost Tuolc uan israel ende vertroeste Ende leidet ouer dat rode maer Doir die woestine mit pinen zwair Ende bracht in vreemden lande 50[regelnummer] Bi gode onder uele uiande Die si versloeghen ende verdreuen Ende des lants gheweldich bleuen God leerde moyses die wet Ende heuet hem sine ghebode gheset 55[regelnummer] Die hi den ioden uoort gheboot Te houden. dair na bleef hi doot Ende god uercoes dos iosue Die den heiden dede we Want hi versloechse ende hilt dat lant 60[regelnummer] Dat hi rike ende scone vant Ende deilet doe mit rechten loten Den gheslachten ende haren roten Dair na uercoes god die rechter Die der ioden vore vechter 65[regelnummer] B2vb\|Altoes waren bi gods helpe Op die heiden die waren gelpe Hier of was samuel die leste Gods vercoren entie beste Die ooc gods prophete was 70[regelnummer] Dair israel bi ghenas Vanden heiden philistiin Dair na begonden doe te sijn Coninghe. dair deerste of was Saul die scorte der heiden pas 75[regelnummer] God was mit hem so langhe Dat hi was in gods bedwanghe Oetmoedelike mer doe houairde In hem quam viel hi ter vaerde Dair na quam uut ware lesse 80[regelnummer] Die stam uanden wortel yesse Dair die reine roede vut sproot Die ons loste vter noot Dat was die coninc dauijt Die gods vrient was al sijn tijt 85[regelnummer] Vte wien. die reine maget quam Dair god menscheit of nam Na dauid quam salemon Die mere was in sinen doen Dan enich coninc die was so groot 90[regelnummer] Nerghen uant men siin ghenoot God die hadden uercoren Om dauids minne langhe te voeren Dat hi hem bouen alle man Brocht goet macht ende wijsheit an 95[regelnummer] Hier of latic nv ghebreken Want ic moet er na of spreken Eer dit dichte comt ten einde Die gheest gods si mi ghehende Dat ic uoort so moghe volscriuen 100[regelnummer] Datter lere of moghe bliuen Dair na langhe in menigher tijt Waren uele coninghen zijt Mar om die lieue uan dauit Dat rechte gheslachte voort besit //
[Folio W4ra]
// Dat si mi helpe ende uerlichte Dat ic uolbringhe so dit ghedichte Dats alle die verbetert werden Diet vernemen op deser aerden 5[regelnummer] Beide an liue ende anden geest Des gheue ons cristus uolleest ¶ Die derde redene is die lere Die hier in heuet onse here Gheset mit sinen sueten geest 10[regelnummer] Want die boec uan minnen meest Spreket: god selue is minne Ende wie hier toekeert sine sinne Dat hi hoirt ende wel verstaet Ende sine werke dair na zaet 15[regelnummer] Ic hope hi sals te beter wesen Die uan sÜnden wil ghenesen Is hi dair inne ende is hi niet In sÜnden ende hi hem dan besiet Bider lere uan desen boeken 20[regelnummer] Ontgaet hi aldes duuels hoeken Dair hi die sielen mede vaet Al dien therte te gode staet Bidt dat ic uolbringhen moghe Dair ic na ghere ende poghe 25[regelnummer] Dat gode ontfangelijc moete sijn Ende marien der maghet fijn Ende alle diet horen ende merken Ende gairne mit wille dair na werken Dat sijs ghesterket werden in gode 30[regelnummer] Ende in minnen sire ghebode So dat wi alle na desen leuen Emmermeer werden bescreuen Inden boeke uanden leuen Dat moete ons god eweliic gheuen

Vorige Volgende

III Hoe Gods minne anden mens\che bleef ende makede vrede tot MArien