Commentaar op het Hooglied


XVIJ Wie wairdich is Gode te cussen Allen die dit woort vernemen Macht niet wairdelijc ghetemen Dat si tcussen uan gods monde Moghen nemen tenigher stonde 5[regelnummer] Want cussen beduut minne Ende rechte lieue uan gansen sinne Mit cussen uersoont men onurede Ende men maecter urede mede ¶ Vanden vrede heb di ghehoort 10[regelnummer] Mer hoort nv uanden cussen voort Niement en vermoede hem des Dat hi wairdich si ghewes Te cussen den sueten mont Gods: hine si te male ghesont
[Folio B5vb]
15[regelnummer] Want die mit sonden is besmet Ende hem des cussens dan vermet Hi maket hem seluen ombequame Sinen vrienden ende bliuet in scame Och hoe menich is dire huden 20[regelnummer] In der kerstenheit der luden Die beulect siin ende besmet Ende mit vulen sonden beset Ende nochtan in ghenen tiden Gode selue te cussen vermiden 25[regelnummer] Want als si gods lichame ontfaen So cussen sine sonder waen Die nochtan siin in das ghelike In ualscheden dair si sijn rike Ende oec gheliken si sathan 30[regelnummer] In houairden die nie vrede ghewan Ooc gheliken si pylate Die hem nie ter doget en sate Ende willen selue gode nemen Die niet en dorste des ghetemen 35[regelnummer] Dat si mit onreinen monde Den mensche cussen tenigher stonde Die iet beter waren dan si Tot desen mach god spreken tsi Dattu mi biets den vulen mont 40[regelnummer] Die ye ter quaetheit open stont Dus doen dese gode lachter Ende setten hem in salicheit achter