Commentaar op het Hooglied

XXXVII Wair bi die prelaten verduldich sullen sijn

Voort ghi keren ende uerlaten
Hoe ... si nv te rechte saten
Al hebdi pine ...
Om dat ... si ...
Die heilighe ... air ...
En hebdi dair of g ... uoede
Nochtan suldi ... sien
Dat g ... sijt
Mer der siel ... si di ...
Des ... lede ...
Want ghise lauet ende voet
Als sinte paulus oirconde doet
Mine kinderkine die ic ghebare
Anderweruen openbare
Tot cristus in v wart gheuormt
Wardi ergen mede verstormt
Verneemdi yet dat v is leet
Dair om en sijt niet ghereet
Vwen toren thant te wreken
Mer mit salichliken treken
Suldise weder tot v voeghen
Ende in salicheden loegen
Ghi sult dwinghen sachtelike
Ende verdraghen verduldelike
Die goede suldi vaderlike
Helpen troesten al ghelike
Die quade suldi na v tien
In welker wijs het mach ghescien
Ist mit scaden of mit quellen
Trectse na vter hellen
Hoe men den quaden bringen mach
Ter doghet dat is goet beiach
So spreecti inder bruut persone
Ic bin swart ende nochtan scone
Swart in doghen ende in liden
Scone in duldelijc vermiden

[fol. W9rb]

 

Want salich is die zwarticheit

 

Die der sielen geuet salicheit