Commentaar op het Hooglied
(1975)–Anoniem Commentaar op het Hooglied–
Auteursrechtelijk beschermd
[Folio W10va]
| |
Dat hi mi bewerue uan gode
Sine wiisheit in allen node
Dat ic dit so moet ontbinden
10[regelnummer]
Dat alle die dit horen: vinden
Ware minne: ende emmer bliuen
In gode: ende uast becliuen
Ende urocht gheue inden wijngaert
Die god is: ende god bewairt
15[regelnummer]
Ghi sult weten mit wairheit
Dattie bruut die kerstenheit
Meent: dats uan haren leden
Die alle siin uan kerstene zeden
Si spreket si hebbe mi ghesat
20[regelnummer]
Inden wiingaerde. wair om dat
Ic en hebben niet behoet
Minen wiingaert: wien dinket goet
vineam meam non custodiui xiiij
¶ Die hem seluen niet bewairt
25[regelnummer]
Datmen hem beuele ter vairt
Ander dinge dair an leecht macht
Dat hi wale die bewacht
¶ Nu hoort hier ende merket wel
Menich is hem seluen fel
30[regelnummer]
Hert ende pinet hem seluen zere
Om die minne uan ende onsen here
Mer andren luden is hi goet
Hi set ter minnen sinen spoet
Alle den ghenen die bi hem ziin
35[regelnummer]
Gheuet hi dÜechdeliken sciin
Nochtan is hi hem seluen hart
Siin lijf dats sijn wijngaert
Dats sine siele ende siin leuen
Dat wil hi om gode begheuen
40[regelnummer]
So wie sijns selues lijf niet en acht
Mar ander sielen wel bewacht
Dat is diemen inden wijngairden
Setten sal ter rechter wairden
Mar die siins selues acht also
45[regelnummer]
Dat hi der ander niet een stro
En acht die hem sijn beuolen
| |
[Folio W10vb]
| |
Die moet sere in hoeden dolen
Om dat wi dit te bet verstaen
Sulwi sien mit minnen aen
50[regelnummer]
Dat ons die ewangelie seit
Dair die salicheit in leit
So wie uerliest sine siele om mi
Ic wille dat hiis seker si
Hi salse vinden int ewige leuen
55[regelnummer]
Hier na sulwi merken euen
Dat onse lijf onse siele heit
Dat god verliesen hier besceit
Des vlees ghenoechte ende begheren
Pleecht der salicheit te deren
60[regelnummer]
Siet hier sinte paulus an
Die gods wiingaert hoeden began
Doe hi uan gode so was vercoren
Dat hi gods name den heren voren
Dragen soude: ende kerstenheit
65[regelnummer]
Prediken soude ende maken breit
Die had ander sielen so acht
Dat hi siins selues niet en wacht
¶ Hi sprac ic en bin niet vonden
Allene om gode siin ghebonden
70[regelnummer]
Ic bin oec ghereet te steruen
In iherusalem om beweruen
Den name ihesu cristi ere
Voort dair na spreket hi mere
Ic en ontsie niet ouer wair
75[regelnummer]
Dat ic mine siele iet make dÜerbair
Meer dan mi: hier mach men sien
Dat den liue uele mach ghescien
Des die gheest hem yet an tiet
Noch dair om heeft gheen verdriet
80[regelnummer]
¶ Sinte pieter als men weit
Was om gode te gane bereit
Inden kerker ende inden doot
Omder ghemeenre kerken noot
|
|