Commentaar op het Hooglied


LVI Van der bruut hals ende hair zierheit Als die borsten is diin hals
[Folio W11rb]
Dit vernemet als ende als COLLUM TUUM SICUT MONILIA xix ¶ Hoe der bruut hals is verchiert 5[regelnummer] Ende welscone gheachemiert Hier moet wi ten gheeste gaen Ende gheestelike dit verstaen Verstandenisse ende claren sin Is der bruut hals meer no min 10[regelnummer] Want ghelike dattie hals Die spise brenget als ende als Ter maghe dair tlijf bi leuet Dus is dat verstandenisse geuet Der sielen gheestelike spise 15[regelnummer] Van goeder lere in menigher wise Want als verstandenisse heeft ontfaen Gods lere sent sise saen Der sielen dair sise mede spiset Ende te rechte in wairheit wiset 20[regelnummer] Dair of comt cuuscheit ende ootmoet Ende ander doghet mit ganser spoet Die de bruut in menigher manieren Van dÜechden in gode verchieren Hier na spreket der bruut leden 25[regelnummer] Mit uerweendeliken zeden Wi sullen di maken gulden oer ringen Verheuen mit seluer in hogen dingen