Commentaar op het Hooglied
(1975)–Anoniem Commentaar op het Hooglied–
Auteursrechtelijk beschermd
[Folio W13vb]
| |
Dair om wil die bruut ontfaen
Troest dair si mede mach uolstaen
5[regelnummer]
Ende gheduren in desen tiden
Want si moet hier dogen liden
Ende spreect te hant na deser tale
¶ Miin lief is mi herde wale
Een druue uan cyper inden wijnghairden
10[regelnummer]
Van engaddi mit groter wairden
botrus cipri dilectus meus
michi in vineis engaddi xxiij
¶ Merct al mit ghestaden zinnen
Drie pointen uan rechter minnen
15[regelnummer]
Dair die minne bi uolstaet
Ende nemmerme te gaet
¶ Int eerste point die minne beghint
Als uerliest een dat hi mint
Ende dair na volghet mit werken mede
20[regelnummer]
Hoe men in alre uolcomenhede
Piint te doene dat lieue becoomt
Ende want hem te eren vroomt
¶ Dat eerste point had ihesus wale
Dat hier voren mit soeter tale
25[regelnummer]
Die bruut voert alsi spreect dus
Sinen roke gaf mi nardus
Doe die coninc mit lieuer lust
Was wairdelike in sire rust
Dat is doe ihesus onse behoeder
30[regelnummer]
Rust in marien sire moeder
Dair om sulwi in dat woort
Verstaen ons heren gods gheboort
Dat was der minnen eerste beghin
Dit hout die bruut in haren zin
35[regelnummer]
¶ Tander point dat wi kinnen
Sullen inder ware minnen
Dats datmen liden moet
Pine arbeit wederspoet
Eer iement wel ghewinnen can
40[regelnummer]
Dat hi te minnen hem nemet an
Ende want die reine brudegom
Vlitelike des nam goom
| |
[Folio W14ra]
| |
Dat hi woude sine vriendinne
Ghecrighen mit herten ende mit zinne
45[regelnummer]
Dair om leet hi menighe pine
Dit doet die bruut dair wel an scine
Dat si spreket miin lief sal sijn
Van mirren mi een busschelkiin
Dat meent al die bitterheit
50[regelnummer]
Die miin lief doer mi ye leit
Die sal altoes miin herte dinken
Ende dair of nemmer ghewinken
Des gheuic ieghen tliden sine
In ghedachte mijnre herten pine
55[regelnummer]
Mit desen pointe wart minne vast
Ghenaghelt ander minnen mast
Dese ij pointen siin in dogen
Want si altoes moeten pogen
Hoe die minne bliue gestade
60[regelnummer]
Ende gheuest bi goeden rade
Ende hoe ghebruuc dair of mach comen
Ghestadelike tallen vromen
Ende want die bruut heuet ontfaen
Der minnen gauen sonder waen
65[regelnummer]
Menigerande als si wel liet
Dair om is si nv ghevriet
Ende is uan herten wel ghetroest
Want si wale is uerloest
Dair om spreect si merkelike
70[regelnummer]
Ende uan herten blidelike
Miin suete lief als ene duue
Simpel is in een cyper druue
Vter druue comt die wijn
Die therte doet wel blide siin
|
|