Commentaar op het Hooglied
(1975)–Anoniem Commentaar op het Hooglied–
Auteursrechtelijk beschermd
[Folio W15ra]
| |
In rechter ootmoedicheit
Als hier uoren is gheseit
5[regelnummer]
Dair om spreect hi soetelike
Ende prijstse wel vriendelike
¶ Du biste scone mine vriendinne
Du biste scone in minen zinne
Als den duuen siin dijn oghen
10[regelnummer]
ECCE TU PULCHRA ES AMICA
MEA ECCE TU PULCHRA OCULI
TUI COLUMBARUM xxiiij
¶ Na desen sinne sulwi poghen
Hoe men dit te rechte verstaet
15[regelnummer]
Hier toe gheue ons god selue raet
Hier is een merkelic sin
Die uan minnen heeft beghin
Die bruut woude hair lief sien
Mer dat en mochte hair niet gescien
20[regelnummer]
Want sine was niet wel bereet
Des was hi een luttel wreet
Mit wederstote dat si nochtan
Verduldelike hair nam an
Dair om is berespinghe goet
25[regelnummer]
Die der vermetelheit gheuet boet
Ende die ter leringhe bekeert
Dair of wort die loon ghemeert
Hier of hebben wi goede lere
Vander bruut ende onsen here
30[regelnummer]
Nu die brudegom verstaet
Dattie bruut sonder baraet
Ende sonder veinsinge heeft oetmoet
Ende hair them algader doet
Des is hi snel te hair ghekeert
35[regelnummer]
Ende heeftse sonderlinghe gheeert
Mit woorden uan rechter minnen
Die wel verbliden hare zinnen
Hi spreect soete mine vriendinne
Sich dat ic an di bekinne
40[regelnummer]
Dattu sijs scone ende scone nochtan
¶ Dit verstaet ende merct hier an
Wair om cristus die gods sone
| |
[Folio W15rb]
| |
Siin lief heet uutnemende scone
Dats om twee duechden fiin
45[regelnummer]
Die inder sielen moeten siin
Sal si bruut gods siin uolcomen
Ende ghemint tharen vromen
Dene is vaste ootmoedicheit
Tander is reine onnoselheit
50[regelnummer]
Ootmoedicheit die voecht te gode
Onnoselheit na gods ghebode
Voeghet wel ten euenkersten
Dese twee en laten niet ghebersten
Der minnen al dat hair behoirt
55[regelnummer]
Hier moetic laten dese woort
Ende ander reden nv beghinnen
Die verclaren alle zinnen
Die wairheit gairne wel ontfaen
Want hier leghet oirbair aen
60[regelnummer]
Den sin hier bouen sulwi merken
Der sielen twee scone werken
Ootmoet ende onnoselheit
Dair om spreect nv voort ghereit
Die brudegom ende seit dine ogen
65[regelnummer]
Moghen der duuen ghelike togen
Een sin is in desen tween
Die bruut heeft ogen ouer een
Ootmoedich ende uan simpelheit
Dats in rechte onnoselheit
|
|