Commentaar op het Hooglied
(1975)–Anoniem Commentaar op het Hooglied–
Auteursrechtelijk beschermd
[Folio W16vb]
| |
Altoes heuet dat hi hair sent
10[regelnummer]
Vut hem seluen dair si bi kent
Sinen wille ende sine tale
Dese wairdige ionst gaet te male
Door herte door sin der reinre bruut
Dair si hairs lieuen wille neemt vut
15[regelnummer]
Die siele of die bruut ons heren
Heuet ene tonge mit groter eren
Dair si mede spreket ten brudegom
Des hi altoes wel nemet goem
Dats ene bernende innicheit
20[regelnummer]
Die inder bruut begheerten leit
Dair si tharen lieue mede sprect
Ende hair begheringe hem ondect
Want als die brudegom wairdelike
Spreect du sijs uan scoonheit rike
25[regelnummer]
Wat is anders dit te seggen
Dan lief wairdelic wil ic leggen
An di ionste vercorenlike
Des gheuic in di minnentlike
Kennen dattu sijs mine vriendinne
30[regelnummer]
Dese woorden komen hair thant inne
So dat si in dien wel verstaet
Wat hi wille sonder baraet
Ende als die bruut dan weder sprect
Ende haren lieue hair herte ondect
35[regelnummer]
Ende haren wille dat is te hant
Mit soeter innicheden brant
In ware begairliker minnen
Dair in laet si hem bekinnen
Dat si alle uan herten mint
40[regelnummer]
Bouen al datmen vint
Hair lief den wairdigen brudegom
Ende alle dinc versmaet dair om
¶ Des woorts spreken is die gaue
Der gracien gods dair ons comt aue
45[regelnummer]
Sine gheboden salichlike
Die ons ter sielen maken rike
Der bruut antwoorde is een lof
Ende een danc die comt dair of
| |
[Folio W17ra]
| |
Dat si begaert innentlike
50[regelnummer]
An hem te bliuen minnentlike
|
|