Commentaar op het Hooglied


LXXVIJ Echt uander bruut bedde HIer moeten wi naden gheeste proeuen Die wi ter gheestelicheit behoeuen Ende dat wi dit begripen moghen Sal ic gheestelike v toghen 5[regelnummer] Wat dit beddekiin ons beduut Dair op rusten wil die bruut Dat niet en is hair doch allene Mer mitten brudegom gemene ¶ Dit bedde is wel een gheestelic leuen 10[regelnummer] Dat in oirden is begheuen Dair men in rust uan werelt sorghen Ende dair die goede siin in verborghen Voir menighe wereltlike saken Die werringhe ende onminne maken 15[regelnummer] Dit beddekiin is bloiende ende rene In goeden leuen ende ghemene Vander regule ende ghesette Die verhoeden der sonden smette Dese ruken utermatene wale 20[regelnummer] Van goeden broederen sonder hale Die exempel siin uan goeden leuen Ende van sustren die ooc dat gheuen Om gode ende doir die lude mede Die goetwillich siin mit vrede 25[regelnummer] Ende want der oirden vele siin Want doet die bruut thant wel scijn Ende spreect onser husen sparen
[Folio W17va]
Siin uan cedarbome twaren Entie worme uan cipres 30[regelnummer] Verstaet mit minnen dese les