Commentaar op het Hooglied


CIJ Van tween pointen in Cristo Noch mogen voort die dochtren vragen Want hem der bruut woort behagen Van dinen lieue spreecstu wonder Dat hi ghesprongen comt bi sonder 5[regelnummer] Wie is hi. wien is hi ghelike Dat hi springet so vairdelike Dair om spreect die bruut noch mee Miin lief is ghelike den ree Enter harten ionc ooc mede 10[regelnummer] Dits al merkelijc hier ter stede Van hier voort moghedi spien Die ree is scarp uan sien Ende bewairt in sinen springen Besceidelike sonderlinghen 15[regelnummer] Dat harte ionc is herde snel In sinen lope weet ic wel Bi dien ghelike uan desen dieren Merket men in cristo twe manieren Bider snelheit uanden ionghe 20[regelnummer] Merken wi sine ontfermige spronge Die so snellike comen twaren Mit ghenaden op ons gheuaren ¶ Biden ree verstae wi hier Van cristo dander manier 25[regelnummer] Want hi siet ende kent ghereit Alre herten ondersceit Ende sine oirdele siin al recht Dair in siin sine spronge slecht In deser lettre is beduut 30[regelnummer] Dat siin oirdeel nauwe sluut //
[Folio B19ra]
// Der eweliker salicheit Dit licht is ouer al ghebreit Ende siet mede door die cantele Dat siin die leerre sonder helen 5[regelnummer] Patriarken ende propheten Die te voren dede weten Dat dit licht ons toe soude comen Ysayas hadde dit vernomen Ende spreect stant op iherusalem 10[regelnummer] Ende werde verlicht ende dat nem Want dat licht comt di mit eren Op di gaet op die glorie ons heren