Commentaar op het Hooglied

.CXV. Hoe Cristus onse broeder is

HIer mach elken mensche wondren
Hoe die gods sone niet wil sondren
Hem uan deser airden baren
Mer hi wil hier openbaren
Dat hi onse broeder is
Der kerken brudegom ghewis

[fol. B21ra]

 

Want hi spreket in onsen lande

 

Dat dunct hem niet siin scande

 

Dat hi mit sire lieuer bruut

10

Ghemene hout dit airtrijc uut

 

Hi seit in onsen lande dat is

 

Miin ende diin ghemene ghewis

 

Buten sine bruut ghemene

 

En wil hi hebben niet allene

15

Dats een teken dat hi wille

 

Dat si openbare niet stille

 

Mit hem besitten sal siin rike

 

Inder glorien ewelike

 

¶ Die brudegom spreect wel dit woort

20

Die tortelduue is ghehoirt

 

In onsen lande dat is scamen

 

Onse ghemene is al te samen

 

Merct hoe trouwelike hi mint

 

Die niet sceidens en heeft twint

25

Van sinen lieue ende die niet

 

Van hare en sceit om enich verdriet