Commentaar op het Hooglied

(1975)–Anoniem Commentaar op het Hooglied– rechtenstatus


CXL Hoe die kerstenheit is gedeelt NV behoeft ons wel te merken Hoe hier gode ende sine werken Die kerstenheit nv is ghesceiden Ende moet noch ene wile beiden 5[regelnummer] Si is ghedeelt in drien dele Nochtan is si een ghehele ¶ Teen deel is in desen leuen Dat ons ter werelt is gegeuen Dit deel moet altoes bi crachte 10[regelnummer] Beide bi daghe ende bi nachte In hoeden liggen. want si noot Menighe lijt ende wederstoot Vanden duuel ende sine kinder Die ons doen menighen hinder 15[regelnummer] Des heet si die heilighe kerke Vechtende. want si der sonden werke Entes duuels fel baraet Ridderlike wederstaet ¶ Tander deel der kerstenheit 20[regelnummer] Is inden vagheuier gheleit Dair si emmer clairlijc moeten Alle die misdaden boeten Die si ye in desen leuen Misdeden inder sonden sneuen 25[regelnummer] ¶ Terde deel is wel scone Van gode ghecroont inden trone Dat siin die gone die ewelike Mit gode wonen in hemelrike Die allen noden siin ontgaen 30[regelnummer] Ende ewelijc in vrouden staen Dit ondersceit is ons beduut
[Folio B25rb]
Vander wairdeliker bruut Biden heilighen gods lichame Dien de priester sonder blame 35[regelnummer] Ouer den kelc deelt in drien Die drie dele mach men tien Dat cristus in dese .iij. deel Een wair god is al gheheel ¶ Dat een deel is voir der bruut 40[regelnummer] Die menighe pine hier besluut In desen leuen: entie noch strijt Tiegen die sonden talre tijt Datse god helpe ende beware Datsi uan quaetheit niet veruare 45[regelnummer] ¶ Voor tander deel die inden vier Des vagheuiers siin onghehier Wert gheoffert tander deel Dair altoes god in is al gheheel Dat hise bringhe in sinen rike 50[regelnummer] In corten tiden salichlike ¶ Vanden heilighen sacrament Wert dat derden deel ghesent Bider heiligher enghelen hande Voir gods aensicht sonder scande 55[regelnummer] Om lof om ere om wairdicheit Die gode altoes is gheseit Den uader die ons heuet vertroest Ende mit sinen sone verloost Alle die ghene die siin mit hem 60[regelnummer] Int ouerste iherusalem ¶ Nv hoirt hier uoort ende verneemt Hoe rechte minne die bruut cleemt Al heuet die bruut den brudegome Ghebeden dat hi weder come 65[regelnummer] Mit gracien ende wairheit mede Dair hise mede sterct na sine sede Doch sone verneemt sijs niet Des heeft hair herte zwair verdriet Dair om spreect si dese woort 70[regelnummer] Die dese lettre bringhet voort ¶ Ic hebbe in miin beddekiin
[Folio B25va]
Ghesocht dien die die siele miin Mint: bi nachte socht ic dien Mer vinden conde mi niet ghescien 75[regelnummer] Dair om wil ic haest op staen Ende wil die stat al omme gaen Beide bi steghen ende bi straten Ic sal mi te soeken saten Dien die mine siele mint altoes 80[regelnummer] Ghesocht heb ic al sonder loos Ende en hebben niet gheuonden Die wakers: die ter seluer stonden Die stat hoeden vonden mi Ic sprac tot hem hebdi dien 85[regelnummer] Die mine siele mint ghesien Een luttel doe ic leden was Van hem. in den seluen pas Miinre sielen lief vandic Dat quam mi herde wel gemic 90[regelnummer] Ic hilten ende en sals niet laten Tot ic hem mit goeder saten In mijnre moeder huus wel leide Ende in mire moeder camer meide in lectulo meo per noctem 95[regelnummer] quesiui quem diligit anima mea quesiui illum et non inueni surgam et circuibo ciuitatem per vicos et plateas queram quem diligit anima 100[regelnummer] mea quesiui illum et non inueni. jnuenerunt me vi\giles qui custodierunt ciui\tatem. num quem dilexit anima mea paululum vi\distis 105[regelnummer] cum pertransissem pau\lulum eos inueni quem diligit anima mea tenui eum nec dimittam donec introducam illum in do\mum 110[regelnummer] matris mee et in cu\biculum genitricis mee xlviij
[Folio B25vb]
¶ Wil wi salichede roeken So moeten wi aernstelike soeken Vander minnen soeten sin 115[regelnummer] Die dese lettre heuet in Al heuet die bruut den brudegome Gheroepen dat hi weder come Dan laet hi niet om enige onwairde Mer hi wil mit sulken airde 120[regelnummer] Hare begheerte ende hair herte Roeren mit minnentliker smerte Ende wil dat si hem uut ga soeken Des si te voren clene woude roeken Eer si an sire minnen quam 125[regelnummer] Ende hi hair teenre bruut nam Want minres hebbens verdriet Dat deen den anderen niet en siet Dair om moet te soeken comen Als gi gehoirt hebt ende vernomen 130[regelnummer] ¶ Des spreect si in mijn beddekiin Bi nachte heb ic dat lief miin Ghesocht. dat mine siele mint Nv hoirt wat die glose vint

Vorige Volgende

CXL Hoe die kerstenheit is gedeelt