Commentaar op het Hooglied

CLXX Van .IJ. bomen sonderlinghe.

Noch sijn inden paradise
.ij. bome uan groten prise
Dats mirren boom ende aloe
Ooc beduden dese twee
Inder kerstenheit .ij. leuen
Die wel in gode sijn verheuen
mirra et aloe cum omnibus
primis vngentis lxx
¶ Mirre is bitter ende starc
Ende loopt mit des bomes barc
Si hout ooc uan onreinicheit
Tuleesch als hare nature seit
¶ Mirre salighe luden beduut
Die hem ter werelt hier doen uut
Ende allene an gode cleuen
Mit duechden dair si in leuen
Dese en mogen emmer niet
Ter sielen ueruulen wats ghesciet
¶ Aloe is bitter ooc
Mer si gheuet goeden rooc
Alsmense ontfanget mit viere
Maect men dair of salue diere
¶ Bi aloe wart ons gheleert
Die gone die hem ter doget keert
Mit herte mit wille mit leuen

[fol. B36vb]

 

Ende alle ghenoechte begheuen

 

Dese hebben int beghin

 

Bitterlike starcheit in

 

Mer als hair herte wart ontfenct

30

Van minnen dair se god in brenct

 

Ende minnentlike dair hair gebet

 

Doen: so wert in hem gheset

 

God die se mit gracien leert

 

Hoe hair leuen wart gemeert

35

Dese siin uan allen thaluen

 

Genomen mitter eerster saluen

 

Vander salue is beduut

 

Hier voren als die glose sluut

 

¶ Du sijs ene fonteine der houe

40

Dats alle kerken die int gheloue

 

Vast in gode siin verheuen

 

Die bruut moet al desen geuen

 

Wasschen inder heiliger dopen

 

Ende lauinge mit langer hopen

45

Der leuender watre bistu putte

 

Die snellike mit groter nutte

 

Sere vloyen uanden libaen

 

fons ortorum puteus aqua\rum

 

viuencium que fluunt

50

impetu de libano lxxi

 

¶ In dese woorden wi verstaen

 

Die heilige sacramente seuen

 

Dese watre altoes leuen

 

Want si aldien geuen lijf

55

Die dair of drinken sonder blijf

 

Die fonteine mach ooc wel sijn

 

Die heilige ewangelie fijn

 

Die aldie heilighe kerstenheit

 

Al doir vloeit mit salicheit

60

Dese vloeien uanden libaen

 

Dat cristus is alsonder waen

 

Want hi is wit clair ende scone

 

Ende hooch bouen alle trone